الجمعة، يونيو 18، 2010

يا أهل الخير

تحديث : تدوينة الأخت عاشقة النقاب الجديدة .. والحمد لله والدتها بخير .. ودا اللينك : http://nonoymm.blogspot.com/2010/06/blog-post_17.html
اشهد الله العلي العظيم اني احبكم في اللهاليوم انا ما كنتش مع اختي المرافق لوالدتي بالمستشفى علشان كدة تركت تليفونها على الانترنت تتواصل معكم وطبعا انا بتصل بيها كل ساعة وكل ما اتصل بيها تقولي اقفلي بسرعة فيه تليفون غريب الظاهر علشان طلب التبرع بالدم اللي عملتيهوقالت ان فيه سيل من التليفونات للمساعدة منكم ومن جروب فرسان الخيرالحمد لله بفضل الله وفضلكم تم توفير كيس دم اخدته امي اليوم وارتفعت نسبة الهيموجلوبين من تلاتة الى سبعة ونصف وغدا فيه كيس كمان هيكون موجود الساعة تسعة ونصف وباذن الله تعالى احتمال ما تحتاجش غيره يارب ودة برضه بفضل الله ثم فضلكم دعواتكم ومساعدتكم ووقفوكم جنبي بيرجع لي الثقة في ان الدنيا لسة فيها خير رغم ان الاربع ايام الماضية اللي قضيتهم في المستشفى مع امي خلوني اقول خلاص ظهر الفساد حتى في الهوا اللي بنشمه وهنتكلم سوا في الموضوع دة باستفاضة بس لما افوء من الازمة ديغدا باذن الله انا مع امي بالمستشفى وطلبت من اختي الاحتفاظ قدر المستطاع على التليفونات اللي اتصلت علشان اكلمهم واحد واحد ومن هنا من قلبي جزاكم الله خيرا جزاكم الله كل الخيرساعدتوني ووقفتم جنبي بكل حاجة والله انا لما فتحت النت وشفت كم التفاعل لم اتمالك نفسي وغرقت في الدموع بس من الفرحة يارب ربنا يفرح قلوبكم كلكم ويسعدكم دوما واحد واحد ياربي حتى المسافرين برة واللي مااعرفش مدوناتهم ساعدوني ياربي الحمد لله الحمد لله الحمد للهمش عارفة اقول ايه ربنا يبارك لكم ست الحبايب بكرة هحكيلها وباذن الله في تواجدها كدة مع رب العباد هخليها تدعي لكم كلكملكل أخ أو أخت فكر مجرد التفكير في انه يساعد او يدعي لي شكرا جزاكم الله خير الجزاء مش عاوزة اكتب اسامي علشان لا يسهو مني اسم ربنا يخليكم يارب ..
( عن أبي هريرة قال : قال رسول الله صلى الله عليه وسلم من نفس عن مؤمن كربة من كرب الدنيا نفس الله عنه كربة من كرب يوم القيامة ومن يسر على معسر يسر الله عليه في الدنيا والآخرة ومن ستر مسلما ستره الله في الدنيا والآخرة والله في عون العبد ما كان العبد في عون أخيه ) صحيح مسلم
دا نص تدوينة الأخت عاشقة النقاب :
محتاجة لكم بشدة .. السلام عليكم ورحمة الله والدتي ترقد الان في مستشفى الدمرداش قسم الباطنة والمتوطنة عنبر10طواريء تحتاج بشدة لنقل دم فصيلة اوه موجب مستعدة اشتري كيس الدم المشكلة عندي في توفر الدم اصلا بنجيبه من هيئة المصل واللقاح وبندفع حقه لكن ما ينفعش اشتري غير كيس واحد بس امي امس اخدت اربع اكياس دم وكيسين بلازما وقدرت تتكلم اشتريت كيس وبطريقة ما حصلنا على الاخربضعف تمنه والكيسين الاخريين من المستشفى اللي مليانة عباقرة بتتعلم في المرضى وهنحكي كتير في دة اليوم لفينا لحد مالقيت كيس واحدبس عارفة ان شباب الخير كتير وباذن الله ربنا هيقف جنب امي احتاج لكيسين دم على الاقل ياشباب الخير اليوم الاربعاء دة رقم تليفون المرافق لامي لمن يريد الحضور للتبرع بالدم 0161620023
ودا لينك مدونة عاشقة النقاب :

هناك 6 تعليقات:

كلمات من نور يقول...

أسأل الله العظيم رب العرش العظيم ان يشفيها...تم وضع الموضوع بالمنتدى و أسأل الله أن يوفقهم بأهل خير متبرعين ..ويعلم الله لو كنت بصحتي كنت ذهبت وتبرعت حيث أنني
+O بس الحمدلله على كل حال ...

http://mhg1962.ba7r.org/montada-f18/topic-t1580.htm#7843

أمل حمدي يقول...

أسأل الله العظيم رب العرش العظيم ان يشفيها

جزاك الله الجنة يا جني

د/على خميس يقول...

السلام عليكم و رحمة الله و بركاته
جزاك الله خيرا ا / سعيد
أسأل اله العظيم رب العرش العظيم أن يشفيها
بارك الله فيك

فاتيما يقول...

يا سعيييييد

جزاك الله خيراً

بس الحمدلله المشكلة شبه اتحلت

إقرى البوست دا عند عاشقة النقاب
و اعمل تحديث

هنا
http://nonoymm.blogspot.com/2010/06/blog-post_17.html

تحياتى الخالصة ليك يا جنى ى ى ى

همس الاحباب يقول...

جزاكم الله خيرا
وربنا يطمنا عليها ويتم شفاها على خير
الحمدلله الحالة فى تحسن والحمد لله
تحياتى

المجاهد الصغير يقول...

السلام عليكم
اسئل الله العظيم رب العرش العظيم ان يشفيها
بس هى كانت عوزا يوم الاربع ضرورى
لاحول ولا قوه الا بالله ي
يارت كان بيدى حاجه

ربنا يشفيها
ويجعله فى ميزان حسناتك