الخميس، أكتوبر 09، 2008

قصاقيص

1- بين مختار وحسام ...
من يتابع الدوري العام يرى انقلاب الأوضاع الأخلاقية من خلال المدربين أو رؤساء الأندية وكذلك الإعلام الرياضي ما بين صحافة وفضائيات .. فحسام حسن ظن انه المدرب الألمعي بعدما فاز في أول مباراتين ولم يكتف بذلك بل كانت قلة أدبه بسب الحكام والمدربين والبصق عليهم علنا وأمام الناس على شاشات التلفاز بعدما ظهرت حقيقته التدريبية من هزيمة أو تعادل .. وكان نصيبه الطرد المستمر ووقوفه خلف قضبان الملاعب .. وسايره في الوقاحة رئيس ناديه بالسب والقذف لأناس أكثر منه احتراما .. وفي المقابل نجد المدرب الخلوق مختار مختار الذي تصدر قائمة الدوري العام منذ انطلاقه لم يسب ولم يبصق ولم يطرد .. فأي منهما أحق بالتمجيد والتلميع الإعلامي .. فقد وجدنا مرتزقة الفضائيات كمدحت شلبي وغيره تلمع المدرب سيء الخلق وتستضيفه بشكل ملفت للنظر .. وتهمل المدرب المحترم بشكل أيضا ملفت للنظر ..
2- شارع جامعة الدول لعربية ...
قبل العيد وفي أمسية جميلة من أمسيات رمضان كنت أجلس وأحد الأصدقاء في أحدى ضواحي القاهرة وأنضم إلينا شخص ثالث واخذ يحكي لنا ما يحدث في شارع جامعة الدول العربية بالمهندسين من مقاه وشقق وكوفي شوب وكوفي نت ومطاعم .. وذهب بنفسه إلى هناك ليستطلع الأمر .. فوجد ما سمع عنه وأكثر .. أمور لا توصف إلا أنها دعارة بكل أشكالها .. لذلك لم أفاجأ بقضية التحرش الجنسي التي حدثت هناك فالبيئة هناك ملائمة تماما لأكثر من التحرش الجنسي .. والعجيب أن تسمع من مرتزقة الحزب الوطني والمعينين رؤساء لتحرير الصحف أن المسؤولية تقع على عاتق الأسرة .. وأرجع آخر القضية إلى الزيادة السكانية .. لكن المسؤول الأول أيها السادة حكومة فاسدة وحزب فاسد افسد كل شيء في بلدنا الحبيبة.. فأين ذهب الأمن والأمان وأين دور وزارة الاعتقالات السياسية بقيادة الكريه .. هل يترك الحبل على غاربه باسم السياحة .. ألم يقولوا زمان تموت الحرة ولا تأكل بثدييها ..
3- المسنودين ...
لكي تحصل على تأشيرة مرور ودخول الحزب الوطني من أوسع أبوابه أن تكون واحد من هؤلاء : أن تكون فاسدا أو ناهبا للبنوك .. أن تكون سارقا لقوت الناس .. أن تكون محتكر للسلع كالحديد والأسمنت أو محتكرا للصناعات .. أن تكون تاجرا للمخدرات .. أن تكون ناهبا للقطاع العام .. أن تكون مصفقا مطبلا شديد النفاق .. أن تكون مطبعا مع اليهود وشريكا في الكويز .. أن تكون من رواد الملاهي ورجال النقوط للراقصات .. ولا مانع من أن تكون من المسجلين خطر .. أن تكون من سارقي أراضي الدولة .. أن تكون من أصحاب الصفر في جميع المحافل الدولية علمية وثقافية ورياضية .. أخيرا أن تكون قاتلا أو محرضا على القتل فهشام طلعت مصطفى ليس أحسن منك ..
4- نصر أكتوبر ..
في عهد الرئيس مبارك ينسب كل شيء إليه مما يحدث في مصرنا الحبيبة من افتتاح كوبري مهمشة حتى حل مشكلة عصام الحضري .. ولكن أن ينسب إليه نصر أكتوبر ويضلل الرأي العام فهذا ليس من الإنصاف للرئيس السادات .. ففي شهر أكتوبر من كل عام لا نسمع الا عن صاحب الضربة الجوية الأولى ونسر أكتوبر والسماء التي سقطت فوق إسرائيل .. ولا ننكر دور القوات الجوية ولكن أيضا لا ننكر دور وزعامة الرئيس الراحل أنور السادات .. الدور الأكبر في نصر أكتوبر كان لكل أفرع قواتنا المسلحة وللحالة الإيمانية التي كان عليها لجيش في أكتوبر .. ولن ننسى أبدا صيحة الله أكبر .. ورحم الله أنور السادات ..
5- أحلى من الشرف ما فيش ...
تابع بعضكم أو كلكم مسلسل شرف فتح الباب .. والمسلسل حلقة في سلسلة علمانية قبيحة حاقدة .. فبطل المسلسل مسلم ملتحي يمسك بالمسبحة واسمه شرف.. يحافظ على الصلاة في جماعة وخاصة صلاة الفجر وقد يكون هو الإمام .. بل ويخطب الجمعة ويؤم المصلين .. زوجته وابنته محجبات .. ولكن يقع شرف ضد الشرف ويختلس ويسرق أموال الدولة ويدافع عن سرقته .. وتقف زوجته ضده وضد المال الحرام .. ولكنها تسترت عليه .. ولم تبوح بسره إلا عندما علمت بأمر زواجه من أخرى .. للغيرة وليس لله .. وتم القبض عليه والزج به في السجن .. قد يقول البعض إن هذه الصورة موجودة في حياتنا .. ولكن التركيز على شواذ القاعدة أمر مستقبح .. كذلك التركيز على مظاهر الرجل الإسلامية أمر مستقبح ..

هناك 56 تعليقًا:

كـــيــــــــارا يقول...

هييييييييييييييييه

اول تعليق

هقرا وارجع

كـــيــــــــارا يقول...

1- بين مختار وحسام ...

اعلامنا وطول عمره كده يضخم حمله علي مافيش ويمجد ناس ملهاش قيمه ويصغر في ناس قيمتخا كبيره اوي ماشي بسياسه ....

--------

2- شارع جامعة الدول لعربية ...

مهما اتكلم في النقطه دي مش هقدر اوصف مدي الحزن علي اللي وصلنا ليه بجد شي يقرف

----------

3- المسنودين ...

ايه ده انت عاوز واحد شقيان وبيجري ورا عياله يبقي في الحزب الوطني ولا ايه نبقي هزولت

بس علي فكره الحزب الوطني مش امله اوي يعني الواحد لو هيشترك في حزب يبقي حزب اهدافه هي اهدافي مش انا طريق وهو طريق

--------

ورحم الله أنور السادات ..

رحمك الله ياسادات وانجازاتك في القلب وهتفضل في القلب مهما طال الزمن بجد احق الرجال بالاشاده

---------

انا مش شفت مسلسلات في رمضان

لكن بالقصه اللي بتحكيها

طبعا عشان يبينوا ان المسلم بيكون مسلم شكلا وليس قلبا

--------

واقع اليم عرضته
تحياتي

كيارا

Esraa Hamed يقول...

كلام حضرتك للأسف واقعي

لما قرأت الجزء بتاع جامعة الدول افتكرت معرفش ليه المقوله الجميلة اللي قالها سيدنا علي لسيدنا عمر بن الخطاب
"عففت فعفّو , و لو رتعت لرتعوا "
و انا نفسي اقول لشخص معين بردو رتعت فرتعوا و لو عففت لعفّو


انا الحمد لله في رمضان مكنتش متابعة مسلسلات بس واضح من كلامك علي شرف فتح الباب انه تكمله لسلسلة التشويهات اللي شغالة في أغلب الافلام و المسلسلات
طبعا احنا دورنا اننا نكون صورة حلوة للمسلمين او نكون بمعني اصح قدوة
و كل حد يبدأ بجد بنفسه و طالما اختار الاسلام ياخده علي بعضه عبادة و أخلاق و اتقان و نجاح في الحياة
للأسف ناس كتير فاكرة التدين بس عبادة عشان كده بندي فرصة لأي حد عايز يشوه صورتنا باي طريقة بقي
" ان الله لايغير ما بقوم حتي يغيروا ما بأنفسهم "

ahmed_k يقول...

إزيك يا سعيد
بالنسبه لحسام حسن فهو طول عمره
لسنه طويل ومغرور مع أن الكوره اخلاق
ويكفي ان الأهلي طرده لسوء أخلاقه
فماذا ننتظر منه غير تلك الأفعال الحمقاء
وجامعة الدول العربيه خطف الضواء من الهرم
وأنضم إليك متسائلا أين الآداب والمباحث ولا الناس هناك بتدفع كويس
ربنا يرحمنا
والمسنودين هم سبب بلاوينا والمعاناه التي يعانيها شعبنا
وآخر ما يهم هو مصلحة المواطن الغلبان
أهم حاجه يشبعوا , بس المشكله أن البني آدم متملاش عينه إلا التراب
ربنا يكرمهم بمحجر رمله علشان نرتاح منهم
ورحم الله الزعيم أنور السادات بطل الحرب والتحرير
وما ذكرته هو من اكبر الأدله على أن النفاق هو الطريق للسلطه والمال
وهم وامثالهم آفة مجتمعنا

كفايه لحد كده بس جميله تلك الكوكتيل

بالتوفيق دوما يا سعيد

مصعب رجب يقول...

بصراحة
بوست رائع
أحييك عليه :

1- مختار وحسام :
هو ده إعلام الريادة .

2- شارع جامعة الدول العربية :
والله في رأيي إن كل العوامل دي جزء من السبب
يعني البيت مسئول والحكومة مسئولة والشباب نفسهم مسئولين والمسجد مسئول والكنيسة مسئولة ومينفعش نحمل طرف واحد كل المسئولية .

3- المسنودين :
دي بقى أنا مختلف معاك فيها
يعني أنا شايف نعكسها بمعنى إنك الأول تدخل الحزب الوطني وبعدين بعد كده تختار سكة :
احتكار - استغلال سلطات - نسوان ...
وكل واحد وشطارته .

4- نصر اكتوبر :
أيامها السيد مبارك كان مجرد مدرب في الكلية الجوية ولا كان صاحب الضربة الأولى ولا يحزنون ... وبرضو هو ده إعلام الريادة .

5- أحلى من الشرف مفيش :
كالعادة ... هو ده إعلام الريادة .

جزاكم الله خيرا

صبرني يارب يقول...

بالنسبه لموضوع شارع جامعة الدول بالفعل انا سمعت نفس الى حضرتك سمعته لكن ما شوفتوش
لكن كمان ده لا يمكن يكون مبرر ان الي حصل فى الشارع ده يحصل
وان التقاعس من الشرطه والجهاز الامني ده يحصل
الشرطه مش فاضيه بتحمي البهوات .

وبالنسبه لنصر اكتوبر الى اتمسخ عشان يبقى على اد زفت
فيا استاذناا كثر ما يحزنني ان الاغنيه الوطنيه كمان اتمسحت واتمسخت وبقى تقول مبارك مبارك مش مصر مصر
فقدت روحها وسحرها

وبالنسبه لشرف فتح الباب
شوف هو الموضوع مش موضوع تركيز عل الشواذ
هو الموضوع هو طريقة عرض الموضوع
لا يمكن يكون واحد فعلا عارف ربنا وعارف دينه ويعمل كده
كان المفروض نوهوا مثلا على الاقل انه ما اتعرضش عليه قبل كده عرض زي ولا جاتله الفرصه للانحراف باخلاقه .

ده غير بقى الحاجه مراته الى مش بس اتسترت عليه كنا نديها عذرها عشان ولادها
لا لا دى كمان لما حست منه هايصرف الفلوس على الست التانيه
نسيت ربنا ونسيت الفلوس الحرام وقالتله انا وولادي اولى منها بالفلوس

طبعا استهبااااااااال

والى غايظني اكتر وفاقعني العيال ولاده الى جايبنهم كلهم بيحبوا ومن وهما فى ثانوي وبيتكلموا فى جواز
اهاليهم عارفين وبيسقفوا لهم

حاااااجه تقرف

تحياتي لك على الموضوع نقط كلها علمت علينا بالقرف والحزن لما آل اليه حالنا

على عبدالله يقول...

شوف يا سيدى
بالنسبة لحسام حسن ف دى اخلاقه وعرفينها من زمان اسف للفظ !!(اوسخ اخلاق كروية فى تاريخ الكورة المصرية ويمكن فى العالم )
اما مختار ف مش محتاج تعليق بس كان نفسى تجيب صورته فى البوست!!!!
بس نقول ايه هو ده اعلامنا بيعمل من البصل ورد والعكس

اما شارع جامعة الدول
ده اقل منحدر اخلاقى ممكن نوصله فى ظل الظروف اللى احنا فيها ،والغريبة ان اخوانا المثقفين والمحللين يقولك ده بسبب ان المجتمع اصبح ذكورى !!! يعنى المشكلة جنسية بحتة .... الله اكبر ،والمصيبة الاكبر والاغرب يقولك بسبب التدين ؟؟؟ لان القاعدة بتقول (وجهة نظرهم) زادت نسبة التدين لدى الشباب (حجاب ولحية )مما ادى الى زيادة نسبة التحرش بنفس النسبة !!! ودى قمة العبقرية ؟؟؟؟

بالنسبة للمسنودين
ارجع واقلك ده حالنا من زمان من ايام حسام ابو الفتوح اللى دلوقتى بالرغم من انه فى السجن الا انه يمجد ولا يشكك فى نزاهته !!!!! وعجبى
يعن هشام طلعت لم يكن بدعا فى ذلك ،ودلوقنى لو عمل مثلا برنامج زى بتاع محمود سعد ويوزعلو كام شقة زى احمد عز هاتلاقى الاعلام يمجد ويحلف بنزاهته وشرفه !!!!!

نصر اكتوبر
برضه الاعلام وما ادراك ما الاعلام
بس فى حاجة انا شوفتها بعنية ،، فى ناس دلوقتى بتنسب نصر اكتوبر كله برمته لجمال عبدالناصر !! يعنى السادات مالهوش اى دور ،، يعنى لا حسنى ولا السادات ؟؟؟؟؟؟

شرف فتح الباب
انا فى رمضان ماتابعتش غير مسلسل واحد بس وهو ابو جعفر المنصور وبصراحة المسلسل عاجبنى
اما المسلسلات المصرية فانا عارفها من غير ما اشوفها
لو رجل دين لازم يطلعهولك من بره هالهالة ومن جوة يعلم الله ، يعنى كفاية اقولك ان صورة الارهابى اللى ازهان كتير من الناس السبب فيها اللاعلام المصرى وبجدارة واسال عادل امام !!!!!
لو حرامى ثلا يطلعهولك بطل قومى ومثل اعلى
او سكير او بتاع ؟؟؟ او او او



معلش ياعم الجنى طولت عليك بس اعمل ايه الواحد لازم يفضفض شوية احسن يفرقع

السلام عليكم ورحمة الله وبركاته

حسن حنفى يقول...

حسام حسن شايف نفسه بقي خلاص فوق الجميع وشايف نفسه كده من زمان والاعلام متعوديلمع اي شئ خاطئ
..........
موضوع شارع الدول ده بقي شئ اعتيادي وكل مره بيستفحلويكبر ويبقي افظع من الاول
..........
الحزب الوطني لو دخل واحد شريف ممكن يدي سمعه طيبه للحزب وده شئ هم مش يقبلوه طبعا
..........
انور السادات
عمل كتير بس بالنسبه ليا هو برضه دمر كتير
..........
الصراحه مش بتفرج علي المسلسلات
..........
بس بهدي تيجان
حضرتك ليك تاج عندي ياريت تستلمه
:)

Unknown يقول...

السلام عليكم ياجنى
عودا حميدا
بص بقى الاول الحاج حسام معروف طول عمرة بكرم اخلاقة ولسانة اللى بينقط اى حاجة غير العسل 000 يعنى اخلاقة طول عمرها مش حلوة وكانوا بيقولوا بس الجوهرى هو اللى بيعرف يمشية

اما بقى على شارع الدول العريبة وما ادراك ما شارع الدول فدا تقدم طبيعى لشارع محمد على سابقا والهرم
ثم شارع الدول وعباس العقاد كمان
ولو صبرت قد 10 سنين مش بعيد تلاقى البلد كلها دول عربية الا من رحم ربى
دا نتيجة طبيعية للبعد عن الدين
واعلام سيئ وحالة من الكبت فى كل شئ
وللحديث بقية فى الموضوع دا
اما عن حزبنا الموقر
فالحمد لله انا مش مؤهلة للعضوية فيه
بس هو فى تفرد فى امتلاك العقول الخبيرة فى السيطرة على الموارد المادية للشعب والدولة

اية تانى نصر اكتوبر ؟؟
بص نصر اكتوبر لم يكن وليد لحظة لكنه
اعداد قيادات اخرى وللسادات وغيره الفضل فيها لكن لما يقال نصراكتوبر يبقى السادات بلا جدال
لاننا حربنا برا وبحرا وجوا

اما المسلسل
ياعم جنى بالراحة ومتحبكهاش اوى
العملية ازى راجل محترم وملحتى وكمان بينة اتجنن فى الاخر يعنى خد جزائة
وادى جزاء اللى يسرق وهو مش مسنود

بس دا برده فى سياق التضليل الاعلام والعمل لخدمة فكرة مغرضة وغير برئية بالمرة لتشوية صورة الانسان المسلم
اصلنا مش فى بلد مسلم ** شفت التناقض بنشوه صورتنا بأيدنا عجبى



حرقت دمى ياجنى انا بدخل عشان انسى تفكرنى
موضوع جميل بالتوفيق يارب

جنّي يقول...

كبارا

اهلا بيكي نورتي المدونة

اشكر تعليقك المكل للبوست

الاعلام فسد على مدار السنين ومدار حكومات الحزب الوطني المتعاقبة

مرة ثانية لكي كل الشكر

تحيتي

جنّي يقول...

اسراء حامد

اهلا يا اسراء نورتي المدونة

نحن لا ننكر ان هناك من المسلمين من يسيء للاسلام .. والمسلمون كلهم ليسوا ملائكة ومنهم المخطئ والمسئ لذا شرعت الحدود ..

ولكن ان يقلب الاعلام العلماني الصورة ويشوهها فهذا ليس من الانصاف ..

شكرا يا اسراء مرة ثانية

تحيتي

جنّي يقول...

احمد ك

الحمد لله ازيك انت يا عم احمد
عامل ايه وايه اخبارك لعلك بخير

شكرا لتواجدك وتعليقك الرائع

وشكرا على ثنائك على الموضوع

تحيتي

جنّي يقول...

أبو اسامة

مرحبا اخ مصعب كيف حالك واهلا بيك في المدونة ..

بالنسبة لشارع جامعة الدول غندك حق ولكن اذاكان رب البيت بالدف ضاربا

اليسو هم المسئولون عن كل ما ذكرت والا فليرحلوا ..

اشكر تعليقك المميز

تحيتي

جنّي يقول...

صبرني يارب

مرحبا اختنا الكريمة .. اشكرك على زيارتك ورغيك الجميل اللي وحشنا

اشك انهم ممكن ينوهوا في نهاية المسلسل الى ما ذكرتي .. هم لهم هدف مهم جدا وهو تشويه صورة المسلم .. وبالطبع لا ننكر تواجد مثل هؤلاء الضعفاء ..

انتي عارفة من زمان وهم يعرضون هذه الصور الشاذة فالنصاب يصلي ويمسك السبحة والقاتل كذلك وتاجر المخدرات كذلك مثل دور زكي رستم في رصيف نمرة خمسة ..

واسف يا فندم اني سببت لك شي من الحزن ..

لكي الشكر كله وتحيتي

جنّي يقول...

علي عبد الله

اهلا اخ علي ازي سعادتك

اشكر مرورك وتعليقك

وصفك لحسام هو السبب فيه بافعاله

يحللو كما شاء لهم ولكن المسؤولية الكبرى تقع على عاتق ولي الأمر المسؤول عن كل البلد ..

على فكرة حسام ابو الفتوح خرج من السجن قبل ان يسدد كل مل عليه للبنوك وسلملي على الحزب الوطني ولجنة السياسات

بصراحة الناس اللي بينسبوا نصر اكتوبر لعبد الناصر ما عنهمش حق المفروض ينسبوه لأحمد عرابي

ولا يهمك طول براحتك انت نورتني

شكرا

جنّي يقول...

حسن حنفي

مرحبا يا ابو علي كيف حالك وكيف العيد معاك ..

الحزب الوطني كما يستقطب الفاسدين .. نجده يطرد المحترمين علشان كده الشعب المحترم كله بره الحزب الوطني

السادات مثل اي زعيم عربي له اخطاءه
وقد تكون اخطاء كبيرة لكن نصر اكتوبر ينسب لمن للسادات ولا مبارك ؟

وانا زيك لا اداوم على المسلسلات ولكن هذه الصورة لرجل مسلم هي التي جذبتني

شكرا ابو علي

بالنسبة للتاج معلش ممكن تأجيله شوية وان شاء الله اجاوبه

تحيتي

جنّي يقول...

الريحانة

ما شاء الله زيارة ولا أروع
وتعليق ولا أجمل

محتاج اكتب بوست للرد

ما انتم اللي لميتو حسام واخوه في بور سعيد .. المفروض تعملوا انقلاب على متولي اللي جابه ..

نصر اكتوبر بالتأكيد مش مجرد قرار للرئيس ويحسب لكل افرع قواتنا المسلحة الباسلة ولكن لو نسبناه ننسبه لمن للسادات ولا مبارك ..

بس هو اللي بيسرق بيتجنن في الآخر ويروح النار ولا بيروح مارينا زي حبايبنا بتوع الحزب الفاسد

واسف يا نهر الحب على حرق دمك
وانتي بتدخلي المدونة علشان تنسي طيب ازاى ؟؟!!

شكرا على تشريفك لنا بالزيارة

تحيتي

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Asmaa mahaba يقول...

ههههههه هم يضحك وهم يبكى اعتقد انك دلوقت مشنوقا او مغروقا او محروقا
وانا ولا اعرفك عيش بقى مع نفسك :))
........
شوف انا مبتابعش الكوره غير عشان بنى ادم واحد ..
ومسمعتش مسلسلات رمضان غير راجل وست ستات عشان مش ناقصه كآبه كفايه مسلسل الحياه اللى عايشينه
كمان بصراحه مهند ونور عملوا تأثير يحسب ليهم طول الحياه قرفونى فى المسلسلات خالص فبعد نور مش حشوف مسلسل تانى ولو اتعاد نور تانى مش حتابعه عشان انا ما صدقت وصلت للحلقه الميه وخمسين بالعافيه...
.................
اما عن الحزن الوطنى وسونه والكرنب بصراحه الراجل مفيش منه يعنى سايبنا نشتم نشتم وهو يا ولداه نازل ياخد حسنات طالع ياخد حسنات على جفانا
...............
بعدين بطل حقد على الحراميه عيب كدا يا جنى
يا اخى هو عينى فيه كخه عليه يعنى اللى غيران منا يقلدنا من الاخر
تعالى نعمل حزب ونسميه حزب الحاقدين على الحراميه....
كفايه عليك لحد كدا وابقى رد عليا اتطمن بس انك على قيد الحياه بعد اللى انت كتبته دا واظن تعليقاتى اجدع استندال من منوفيه مجنونه
سومه_87

Asmaa mahaba يقول...

على فكره بقى اللى معلقه بسومه دى مش انا وحقدم بلاغ فى المجلس القومى للبحوث عشان يثبتوا انها مش انا انا شخصيا لا يمكن اعلق على موضوع ضد الحكومه

غير معرف يقول...

اسمع يا جنى ان مبطلتش تتكلم عن الحكومه انا حطخ البت سومه فى راسها وحنزل تحيه للمواطن المصرى :
على حسن سلوكه
عشان هو اللى ارشدنا عنك

غير معرف يقول...

جرى ايه يا اخ جنى هو ان وقع العجل كترت سكاكينه انا اموت من هنا وتحط صورتى على المدونه طيب انا حطالب الواد طلعت برفع قضيه عليك ياخد فيها منك تعويض 15 جنيه ونص والنص قبل الجنيه

غير معرف يقول...

وسؤال يطرح نفسه هو حسام حسن ايه نوع كريم الحلاقه اللى بيستخدمه؟؟

Asmaa mahaba يقول...

ياله يا سيدى ابسط جبتلك الخلق كلهم يزوروك
عد جمايلى بقى :))

حسن حنفى يقول...

علي فكره حضرتك ان شاء لله مستني الاجابه علي التاج حضرتك خود اي تاج مش حليته او تاجين
:d
تحياتي

mahasen saber يقول...

بوست رائع...

المستنصر بالله يقول...

هاتقول ايه فى زمن الفتن وزمن يكرم فيه الفاسد ويهان فيه الكريم
تحياتى على البوست الجميل

mahasen saber يقول...

طب انا رجعت تانى عشان متفتكرش انى مقولتش كير فى التعليق لسبب...
بص يا جنى يا اخويا اولا الكوره مليش فيها واصلا لو ركزت فيها باحبط لسبب لانى بشوف ليها اهتمام والاعيبه بتاخد بالالفات والملايين على انجازات شبه مموجوده فى حين ان الشاب اليى طلعت عينه فى مجال تانى ونج ورفع اسم البلد مبيلقيش الا التطنيش المصاحب للروتين فى وشه...
ثانيا بقه موضوع الحزب الوطنى لا والله فيه ناس بتبقا كويسه انا اتعرفت فيه على ستات والله داخلينه عشان يشوفوا اى فرصه تمكنهم من مساعدة الغير بس برضه فيه ستات سابوه لما لقيو الدور المطلوب مش بيأدى على الوجه المطلوب بس انا بتكلم عن الناس الصغيره مش الحيتان الكبيره..
ثالثا موضوع المسلسلوالعلمانيه اليى ذكرتها هو ممكن حبوا يظهروا النقيض التانى فى الشخصيه فيظهر ازاى الا اذا كان الشخصيه ملتزمه دينيا وعلى السراط اليى بيبقا مزيف...
بس انا معاك انه المفروض فى الوقت ده مش يتناولوا الشخصيات او الشكل الدينى بالمنظر او المغزى ده
لان احنا عايزين نحسن صورةالانسان المسلم الملتزم مش نساعد على تلطيخها
اظن كده بقه مش ناسيه حاجه وعلقكاملا اهه
انا مقدرش على زعل اخويا جنى ابدا
ربنا يباركلك ويكرمك

Unknown يقول...

الأستاذ الفاضل: سيد
السلام عليكم ورحمة الله وبركاته
قصاقيص ومتفرقات ، يجمعها خيط واحد
أخى: إن من يتوسد الأمر ويقود المسيرة الإعلامية هم مجموعة تظهر سماتهم مما يقدمونه فإن فاقد الشئ لايعطيه فلا تنتظر منهم غير ذلك ....

وأحييك على هذه القصاقيص

Beram ElMasry يقول...

الاخوة الاعزاء
السلام عليكم ورحمة الله
بناء على رغبة الكثير من الاصدقاء المدونين ، وفى مقدمتهم الاخ الدكتور توكل مسعود ، فى تغير اصم مدونتى من ( المدهول ) الى اسم اخر يليق بمحتوى المدونة ، وانطلاقا من طبيعتة الغيورة على اصدقائه ، ومن الاسماء المعروضة ( كرباج سودانى ) وقد وقع عليه اختياؤى ، وصار هذا اسم المدونة الجديد
لااختلاف فىالمحتوى ولا تغير فى موعد كل جديد وهو يوم الثلاثاء
لكم كل الحب والاحترام

سمكه واحده يقول...

سلام عليك

انا لاقيه التعليقات اتكلموا كتير وانا مش هقدر اقول اكتر من اللي قالوه
وبوست مفيد بجد
ربنا يكرمك

تحياتي

سمكه

rovy يقول...

السلام عليكم

كل اللى قلته تمام
بس ده نتيجه طبيعيه لسؤ الاخلاق و الفساد المنتشر و ربنا يرحمنا جميعا

واقع مؤلم ولا مفر منه الا بان نبدأ بأنفسنا جميعا ..

( ان الله لا يغير ما بقوم حتى يغيروا ما بأنفسهم )

خالص تقديرى و تحياتى

Gannah يقول...

أستاذ سعيد
عودا حميدا
انا كمان حسيت ان فيه تدهور غريب فى اخلاقيات الناس مش بس حسام حسن واخوه لا دا حتى على المستوى رجل الشارع العادى
فيه تدهور غريب ومش عارفة هل السبب فعلا الازمة الاقتصادية ولا الاسرة ولا ايه
الحزب طبعا ده حكاية لوحده
ربنا يرحمنا منهم وكفاية بقى
اما المسلسلات فأنا لا اشاهد تليفزيون الا الاخبار والقنوات الدينية بس طبعا دعواى العلمانية بقت منتشرة
ولربنا يستر على الاجيال الجديدة
تحياتى

MISS\GH يقول...

بصراحه بوست فى منتهى الروعه بتسرد فيه موضوعات الواقع جميل اوى ان حد بيفكر كده تحياتى لعقلك وقلمك وابداعاتك ودمت بخير.

الباحث عن الحقيقة يقول...

يا قصاقيص الجامدة يا ريس
ولسه في القاهره ولا ايه
عايزين نشوفك
انا جاي بكره ان شاء الله
يعني ده تعليق وداع
هتوحشنا يابو السيد ياللي طلعت سعيد في الاخر
وكل سنة دايما وانت طيب

مجداوية يقول...

السلام عليكم
القصاقيص عايزالها صفحات للرد عليها
ما شاء الله أخى الكريم سيد فقصاقيصك مقصوصة بعناية وكل واحدة تصلح تدوينة وان كنت لا أهتم بالكرة ولا ما يدور فيها لكن المعنى الذى ذكرته يجعلنى أقول معك الأخلاق قبل أى شىء ولكن نحن فى بلد الصوت العالى وقلة الأدب هى اللى بتكسب

وأيضا فأنا غير متابعة لأى تمثيليات فقد شفيت والحمد لله والعقبى لكم من هذا الادمان وان كنت لست ببعيدة عن تصوير الاعلام لأى ملتزم فعندما أجد مشهدا يظهر فيه أحد الممثلين بجلباب ولحية أعرف مسبقا كيف يظهرونه للناس بصورة متزمته وكريهه ومنفرة وما خلفت مرة واحدة ودائما يظهرون الانسان المسلم المحبوب أنه مسلم لارج ومبحبح ومش معقد فبناته وزوجته عادى جدا غير محجبات وبيصادقوا شباب وغير كده يبقى ارهابى ويكفر المجتمع !!!
ودى طبعا سياسة الدولة اللارج اللى نجحت لحد كبير انها تنشرها بين الناس واذا كانت السيدة الأولى لارج يبقى الكل لازم يبقى اكس لارج

أما موضوع هشام طلعت فهو أكيد عمل عاملة زعلت حد كبير منه لأنهم كلهم زيه وأكتر ,,فهى قصة أزلية وستستمر الى يوم القيامة قصة المال والسلطة والنساء فهذه التحويجة هى تحويجة الشيطان ولا حول ولا قوة الا بالله ,,هل علمت الآن لماذا النساء هن أكثر أهل النار !!!؟؟ اللهم ارحمنا واغفر لنا

أطلت كثيرا لكن ما كتبت يستحق أكثر
وكل عام وأنت بألف خير أخى الكريم

Jana يقول...

السلام عليكم استاذنا
حضرتك كنت بتقص بمنجل مش بمقص ههههههه
منجل يا رب يحش رقاب مقصوصى الرقبة اقصد مقصوصى المقصوصة التالتة المسنودين
بخصوص اول مقصوصة ..بصراحة مش بافهم اوى فى الكورة ومعلوماتى معظمها مستمدة من زوجى ..وهو بقاله مدة معمليش تحديث وموصلنيش اخر فيرجن..يمكن مستنى يفرمتنى وينزلى ويندوز جديد بس تقريبا لقى مافيش فيا أمل ومتفيرسة خالص لما سألته هو احمد حسن زملكاوى ولا اهلاوى
بس لو كنت جبت سيرة فى كلامك عن مرتضى منصور يبقى انا لسه الانتى فيروس بتاعى بيعمل شغل
الراجل ده انا باحس انه فى منتهى النزاهة وانه اتظلم ظلم بيّن وبيدن فى مالطة وده اللى مخليه فى منتهى العصبية دايما..فبيضيع حقه وسط اخطاء العصبية والتسرع ..لو مش مرتضى منصور اللى تقصده ..يبقى أفرمت بقى
المقصوصة التانية..اديك قلت..الحرة بقى !!
المقصوصة التالتة.. لا تعليق ..انظر اول الصفحة
المقصوصة الرابعة..طب ينفع السى فى ميبقاش فيها الا عبّارات وافلاسات وانهيار اقتصاد ومقابر جماعية!!؟ لازم نعمل توازن برده
المقصوصة الخامسة ..مشفتش المسلسل بس قريت تعليق عن المسلسل عجبنى لحد مش فاكره هو مين وكان عند مين ولا كان بيقول ايه؟؟
اااه ..ان لو شالو كلمة الشرف من السيناريو مش حنلاقى سيناريو خالص هههههه يعنى السناريو كمان كان مستفز
وعموما ده الاتجاه الجديد دلوقت ..وعادل امام هو صاحب البداية وقائد المسيرة فى السخرية من المسلمين الملتزمين .. هو المنجل لسه معاك!!؟؟
ممكن تسلفهولى شوية بقى

جنّي يقول...

سومة
والحكومة بذات نفسها
وسوزان تميم في قبرها
وجهة اعلانية وسطية

والله تعمليها وتخيلي كما يقولون فهذا البوست بتحريض من سومة المجنونة يا ناس .. اصل المنايفة عندهم حب السلطة وعايزة تنقلب على الحكم وتبقى الرئيس التالت المنوفي على التوالي .. لكن دا بعدك ها تطلعي تنزلي ها نجيب جمال

سلميلي على اصحابك اللي جبتيهم معاكي .. انتي طلعتي مخاوية بس مع مين انا جني ..

حسام حسن بيستخدم كريم حلاقة زلابطةوزلاوزة .. اوعي تجربيه يبقى نهارك منور وفلة ..

مع السلامة وكفاية عليكي كده

جنّي يقول...

حسن حنفي

ربنا يسهل والاقي وقت احل كل التاجات المهداة لي

بس اصبر علي يا ابو علي

جنّي يقول...

محاسن صابر

وزيارة رائعة

جنّي يقول...

المستنصر بالله

والله اخي الكريم الفساد اصبح القاعدة للاسف على يد من لا يصلح بل يزيد الامر سوء

شكرا

جنّي يقول...

محاسن صابر

طبعا تشرفي في اي وقت وتعليقن كما تشائيين فهذا الامر يسعدني تماما

انا استشفيت السبب من زيارة مدونتك وتدوينتك الاخيرة الحزينة .. او بسبب تقصيري في زيارة مدونتك ..

اشكر تعليقك الوافي ولكن بالنسبة للحزب الفاسد فعلى اي انسان ان يبرأ بنفسه من الانضمام اليه حتى لا يتلوث او تتلوث سمعته ..

جزاكي الله خيرا

جنّي يقول...

سمكة واحدة

وعليكي السلام

ياست سمكة ربنا يبارك فيك وفي زيارتك كان نفسنا بس نسمع صوت السمك

المهم المدونة بحر لكي تسبحي فيه كما تشائين

جنّي يقول...

روفي

وعليكم السلام ورحمة الله

اشكر زيارتك وتعليقك

وربنا يحفظنا من كل سوء ويعيننا على تغيير انفسنا ومجتمعنا الى الأفضل

جزاكي الله خيرا

جنّي يقول...
أزال المؤلف هذا التعليق.
جنّي يقول...

جنة
اختنا الكريمة
جزاكي الله خيرا

نعم ما يحدث نتاج فساد اعلامي كبير استمر سنوات طويلة استطاعوا فيه القيام بعملية غسيل مخ كبيرة ونشروا مفاسدهم .. وتسبب في تدهور الاخلاق

الازمة الاقتصادية وتأثيرها لا أظن انها السبب فقد كان الناس زمان اشد فقرا من الآن ولكن كان عندهم دين ..

حمانا الله وحفظ بلادي من الفساد والفاسدين
شكرا

جنّي يقول...

مس جي اتش

اكرمك الله وشكرا على زيارتك وتعليقك الذي اخجل تواضعنا

واشكر ثنائك على البوست

شكرا

جنّي يقول...

محمد الجرايحي

استاذنا الفاضل
وعليكم السلام ورحمة الله وبركاته

اشكر زيارتكم وتعليقكم

سالوا أحد رجال المخابرات الأمريكة كيف تجند وتامر من تجنده وهو في اعلى المستويات فقال اقابله مرة واحدة بعد تجنيده وآمره اذا خير بين امرين ان يختار أسوأهم ومن هنا لا نستغرب تواجد الفاسدين الذين يتوسدون الأمر ويقودوا المسيرة الاعلامية

شكرا يافندم

جنّي يقول...

بيرم المصري

اهلا بيك كنا نحب نسمع تعليقك

على كل شكرا على زيارتك

جنّي يقول...

الباحث

ازيك يا عم احمد وكيف حال رجلك

انا سافرت بعد العيد

وبعدين ما انت عارف اسمي لما اتكلمنا على الميل وانا لم اقول يوما ان اسمي سيد انتو اللي ترجمتم على هواكم

على كل ما تحرمناش من زياراتك يا نجم

سلام

جنّي يقول...

مجداوية

وعليكم السلام ورحمة الله

ان تستفز تدوينتي هذا التعليق الرائع لاختنا الفاضلة مجداوية فهذا شرف لنا

بالنسبة للمسلسلات فالحمد لله لست مدمن لها او لغيرهها حتى من الطعام والشراب فقد عودت نفسي على ترك اشياء ولو كنت احبها .. ولكن المسلسل لم اشاهد منه الا حلقات معدودات منها فهمت القصة والموضوع وما استفزني هو الشخصية المفرط في اظهار سماتها الاسلامية حتى علامة السجود في وجه الرجل ..

اطالتك تسعدنا وزيارتك اكثر

شكرا وجزاكي الله خيرا

جنّي يقول...

جَنىَ

وعليكم السلام ورحمة الله

اهلا بام جَنىَ

ربنا يسمع منك ويريحنا من اللي شبعونا فساد ويقص رقابهم رقبة رقبة

بالنسبة لمرتضى منصور فعلا من انزه من دخل نادي الزمالك ومن عاشره يعرف ذلك ودي اهم او ميزته الوحيدة بعد كده لسانه طويل شوية وشتم جمهور الأهلي فرسبه في انتخابات مجلس الشعب الأخيرة وفعل اتظلم في سجنه الأخير وياما في الحبس مظاليم وما أكثر المظاليم في سجون حسني

على فكرة هذا الاتجاه من قبل عادل بكثير هناك افلام كثيرة تناولت السخرية والتخفي وراء الإسلام والصلاة على سبيل المثال فيلم رصيف نمرة خمسة الذي صور تاجر المخدرات والقاتل في زي الرجل المصلي الذي لا يترك المسبحة من يده (قام بالدور زكي رستم )

اظن ان كاتب المسلسل ظن ان عنده شرف .... فتح الباب

شكرا يا فندم وجزاكي الله خيرا

سلامنا للأمورة جَنى

سلوى يقول...

1... بطلت أتابع الكره :)

2... السياسه كلها فاسده .. العيب مش في الأسره
العيب في الحكومه كلها .. وما تدفع إليه الشعب
وما تهدر من طاقه الشباب
حسبنا الله ونعم الوكيل
3... كده اتسددت مش هعرف أدخل الحزب :))

4... أينعم .. الحكايه دي بتجيب لي ضغط والله
أول ضربه جويه وأسطورتها
وكأنه مثلا ماعجبوش الحال
قوم إيه :)
ضرب الدم في نافوخه وراح واخد طيارته
وجاب النصر وجه
مغالطه وكلام فارغ
مش عارفه لو كان الريس واحد من المشاه كانوا قالوا إيه :)
رحم الله السادات الذي أخذ القرار في سريه تامه
وكل الإحترام لكل من شارك في الحرب
وساهم في تحقيق النصر

5 ... لم أشاهد المسلسل

بوست دسم بحق
وفقك الله ودمت بكل خير

الفقير الى الله يقول...

السلام عليكم ورحمة الله وبركاته
انا اول تعليق ليا النور قطع ربنا يستر وميقطعش !!!!!!
كل ده بسبب البسكوت اللي معرفتش اكله اللي انتي حاطه في الصوره طلع منتهي الصلاحيه
ههههههههههههههههه
بهزر

اما بقي بين مختار وحسام
مهو زي ميدوا و عمرو زكي
زي ابوتريكه وشيكابالا
احنا كده ساعات كتيرة بنشقلب الموازين مقارنه موفقه انا مش عارف هو حسام كمل الابتدائية ولا ........ مبيعرفش يفك الخط
--------
شارع جامعة الدول
الايام ده ينطبق عليها المثل الشهير ضربني وبكى وسبقني واشتكي
يعني البنت اللي ماشية نصف عريان وبتترقص في الشارع تراعي ان فيه شباب نفسها تتجوز وممعهاش او كمان مش قادره
وده مش شاب ولا اتنين دول اغلب الشعب المصري كده

-----------
مهو يابني ده مش بلد الغلابه انت شكلك هتوديني في داهية ده بلد الهوامير يا جدعان
هسالك سؤال هو انت هامور زيهم علشان تتكلم عليهم ولا ايه انا ملاحظ الايام الاخيرة مسابقات وجوايز وكمان طبعا بهزر
-----------
مسلسلات رمضان
الحمد لله مبتفرجش على مسلسلات لان مش عاوز اتشل
بس بتفرج على سوبر هنيدي
انت بتتكلم على حاجه واقعية مجتمع عاوز البشر يكونوا علمانين
يعني انا دايما بقول انا كل ثلاثة ايام بشوف حرامي حالق دقنه ومسقط البنطلون فنا بقول ان كل الناس اللي مسقطه بنطلون حراميه وكمان اللي حلقين
دقنهم لما اقوله لحد القيه يتشل مني
مع انه لما بيضربه على الملتحين بيقلك من خمسين سنه في عهد منصور بيك كان فيه ملتحلي ويحلل بمزاجه اللي عاوز افهمه للناس لو حتى شيخ الازهر طلع حرامي
فده ميعبش المتدينين ليه لان شيخ الازهر يمثل نفسه

تحياتي

جنّي يقول...

سلوى

اهلا بيكي المدونة نورت

شكرا لزيارتك وتعليقك المميز

كويس ان مالكيش في الكورة علشان علشان الزملكاوية والاسماعيلاوية والمصري ما يرفعوش ضغطك ..

شكرا وتحيتي

جنّي يقول...

الفقير الى الله

اهلا بيك المدونة شرفت بزيارتك

كنت ناوي اصادر الهدية لعدم حضورك

والصلاحية انتهت بسبب عدم حضورك

بس شكلك ما بتسيب حقك واكلته ووجع بطنك

المهم ياسيدي اشكر تعليقك المميز

ياسيدي ربنا يكفينا شر الهوامير

وبتسأل انا هامور .. اتقي الله ياشيخ هامور عندنا هنا في السعودية يعني نصاب كبيييييير قوي ..
وكل دا علشان طبق بسكوت وكعك .. هزارك مقبول يا سيدي وشكرا وتحيتي