الخميس، أكتوبر 16، 2008

تك تك تك ...

بين الفينة والفينة تظهر على صديقي جنّي أعراض شرود وسرحان تجعله يهيم على وجهه ... أحيانا ذو ابتسامة مرحة ... وأحيانا ذو تكشيرة عريضة .. وأحيانا يصحب شروده ترديد أغنية ما ... واليوم ضبطته وهو يردد أغنية مرحة لفيروز وسادت روحه المرحة مرحا زائدا .. ويعيش حالة من الانتشاء العاطفي ... تك تك تك يام سليمان ... تك تك تك زوجك وين كان ؟ ..تك تك تك كان بالحقل عم يقطف خوخ ورمان ..... وبالطبع لم أتركه فها هي المادة الجديدة في البوست القادم .. فصديقي جنّي مصدر خصب لكثير من تدويناتي .. نظرت له وابتسمت فعرف أني لن أتركه حتى يقص علي قصته ...

قال : انتهينا يوما من المراقبة في امتحانات آخر العام .. ولكن لن نترك المدرسة حتى ننتهي من تصحيح أوراق إجابة الطلاب .. وبدأ التصحيح وسادت حالة من التركيز كل منا في سؤاله الذي يقوم بتصحيحه .. قامت ووضعت شريط في الكاسيت وكانت أغنية فيروز تك تك تك يام سليمان .. واعترض الجميع فهم لا يفهمون كلمات الأغنية .. ونظرت إليها ونظرت إلي فكنت الوحيد الذي لم يعترض .. بل دافعت عن ذوقها الراقي في اختيار أغاني فيروز الرقيقة .. ولم أدري إلا ونبضات قلبي تزداد خفقانا .. وحبات من العرق تتفصد من جبيني .. وظللت أتفرس وجوه الزملاء أخشى أن ينظر لي أحدهم فيرى في عيني ما يفضح ما أكنه إليها .. وكانت تك تك تك كطرقات تطرق قلبي كما طرقت قلبها .. أيجمع بيننا ما أخشاه ؟ ... في اليوم التالي أهدتني شريط لأغنيات فيروز وودعتني ... ولم تكن تك تك تك إلا طرقات إنذار بالرحيل لكل منا .. فقد تركت هي المدرسة وانتقلت لمدرسة أخرى .. وسافرت أنا للخليج ..
وهنا عرفت لماذا كان صديقي جنّي يبتسم أحيانا .. ويقطب جبينه أحيانا أخرى ..

هناك 67 تعليقًا:

كيارا يقول...

هييييييييييييييه

اول تعليق

mahasen saber يقول...

يا خساره برضه برضه الفراق والبعد هو انا كل ما ادخل مدونه الاقى الفراق والبعد فةى وشى يعنى فراق فى دنيا الواقع ودنياالبلوج انا كده خلاص هيجيلى اكتباء....
بس فيه قواسم مشتركه وفيروز واذن موسيقيه راقيه نتخيل بقه بعد الجواز هيفضلو يسمعوا فيروز ولا هيقضوها العبد قال للشيطان...
بس طبعا ده لو كان هيبقا فيه جواز ..

mahasen saber يقول...

معلش يعيش ويحب غيرها
هذه هيا الدنيا وهذا هو الحب

سمكه وحده يقول...

لالالا واحده واحده كده وفهمني

دلوقت الكلام ده من زمان قبل سفرك للخليج يعني من زمان ربنا يكرمك ويعوضك بتكتك اخري ان شاء الله ده لو مكنش في تك تك دلوقتي يعني

ثانيا من ارقي المغنيات واجملهم فيروز صوت ملائكي رغم اني بطلت اسمع بس بحترم صوتها جدا وخاصا اغنيه نسم علينا الهوي وسألوني ال يعني في حد سألوني عليه ما علينا
متخدش في بالك
متقفلش الباب المدونه في وشي علشان التطويل الله يرضي عليك اصلي رغايه انا سكت اهو
تحياتي
سمكه

شق القمر يقول...

السلام عليكم أستاذ سعيد
اد ايه سعادتى بالبوست هذا
اولا الصورة ما اجملها حقا ما شاء الله
ثانيا هذه الاغنية كلما رددتها يضحك على الجميع .. وعلى صغر عقلى من رايهم
فكم انا سعيدة لهذا المعنى التى ترسمه لحضرتك الاغنية
وكم هى مشاعر جميلة تبادلت
وكم هو مشهد خفيف وطريف ايضا
ماشاء الله
وما قدره الله لجنّى سيكون :)

صبرني يارب يقول...

سلام عليكم

ايه ده استاذ سعيد

تعرف وانا باقرا البوست بتاعك وباسمع اغنية فيروز البريئه دي

مش هاقدر اعلق على البوست ده الا بابتسامه هاديه وعذبه زي البوست بتاعك تمام

باعشق الكلام الى بيصور مشهد واحد بشكل يخلي الى يقرا يعيش الموقف معاه

تحياتي لك

على عبدالله يقول...

اه يا سعيد
فكرتنا بالذى مضى

يا سيدى ربنا يجمع الشمل ويتلم تك تك على تك توك

سلام

shasha يقول...

وتك تك مازال يتذكرها

بوست جميل

آلاء يقول...

هي الدنيا كده ناس بتتفرق و ناس بتتجمع البوست فكرني باغنيه الدنيا ريشه في هوا

كيارا يقول...

عااااااااااااااااااااااااا

ليه افترقتوا

ربنا يجمعكم تاني

عارف ان فيروز بجد ملهاش حل

عاشقة القمر يقول...

هي دنيا هكذا تجمع ناس في لحظه وتفرقهم في لحظه سوكان وقت معين او اي الابد
معلينا الابالصبر
ربنايجمع اي احد فراق احد علي الخير

حسن حنفى يقول...

بجد القصه مؤثره ورائعه
واخرها محزن :(

Gannah يقول...

فيه حاجات بتفضل فى الذاكرة زفيه ناس بتعدى فى الحياة وتترك أثر رغم المدة القصيرة وناس تعرفها سنين ولو اختفت ميفرقش معاك راحوا فين وبيعملوا ايه
صياغة البوست سلسلة جدااا
والنهاية مفاجأة
تحياتى

همس يقول...

ههههههههههههههههههههههه

بقى تك تك تك

عملت لف لف لف

يا حلاوة

طب انا هروح اجرب باه


بس يا خوفى الاقى طخ طخ طخ

ههههههههههههههههه

انا قلت جنى دا شقى من الاول

تحياتى لصاحب الابتسامه الخلبوصه

موناليزا يقول...

ياسبحان الله
بس مسير الحى يتلاقى

nona يقول...

فيروز ما اجمل هذا الصوت و ما اجمل كلماتة
بس بعد مافرحنا بالاغنية و الابتسامة فى الاخير تبقا فراق برضة
بس الاى بيحب بيفضل يدور لغاية لما يلاقيى حبيبة
اظن انة كان اعجاب و ليس حب

Jana يقول...

مع ان الاغنية مرحة جدا
الا انى قطبت جبينى كجنى ..ولم أستطع أن أعاود الابتسام
حين جمعت بين المرح والألم فى تدوينة واحدة
أردت ان تترك لنا المرح فيحتفظ جنى وحده بالألم ..ولكنك لم تفلح ..شاركناه افتقاده ووحشته رغما عنه وعنا
ولم ينجح مرح فيروز المتقافز بين كلماتك ونبرات صوتها أن يغلب شعورنا بالشجن

خالص تحياتى أستاذنا

أختكم فى الله يقول...

هى فعلا أغنية جميلة جدا

ربنا يعوضك خير عنها واحنا مش عارفين الخير فين

كل شئ نصيب

ربنا يسعدك يا رب ويكرمك ويبارك فيك

~*§¦§ Appy §¦§*~ يقول...

حاول تخلى شعره بينك وبين اى حد قديم او صديق قديم لانها ايام مش بتتعوض
بس بجد حلوة الاغنيه انا بموت فيها تسلم يا جنى

راعى الناقه يقول...

يبدو اننى بالغلط ضغطك على فتيل قنبله موقوته اخرجت المارد من قمقمه فانبرى يدافع عن الموسيقى والغناء بشراسه واستماته اريد اولا اذا كنت موضوعى كما تقول ان تناقشنى امام الاخوه ماهى الاخطاء التى ارتكبتها فى حقك وما هى الشتائم التى وجهتها اليك يا عزيزي الجنى ارجوا ان لا تحذف هذا التعليق

جنّي يقول...

راعي الناقة

لا زال الأخ المحترم يغالط .. فمن اين اتيت انني ادافع عن الغناء والموسيقى باستماتة وشراسة ؟ لا يوجد بالتدوينة ما يدل على ذلك .. ولا في ردي على تعليقك الموجود في التعليقات ..
وطلب ان أذكر بعض سبابه في تعليقه الذي حذفته .. وبالطبع لقد احتفظ بالتعليق في الجي ميل .. وهذا جزء منه نسخته كما هو :
انتو مش حتبطلوا الهباب دا- قولو لى ماذا تريدون
تريدون ان ترجعونا الى حفبة الظلام..

حذفي للتعليق السابق ليس خوفا ولا جبنا وتعليقك الحالي موجود ولم يحذف ..

اعطني ميلك حتى ارسل لك كامل تعليقك السابق حتى تراجع نفسك ان لم تتذكر ما كتبته ..

محمد عبد الباسط يقول...

حضرتك شوقتنى اسمع الاغنية من فيروز

تقبلوا تحياتي وسعدت بالتعليق على كتاباتكم

حلم كبير

راعى الناقه يقول...

حسنا عزيزى جنى شكرا لك على الجزء الذى اوردته من تعليقى فهذا يكفى لاقول لك شيئا نحن المدونو حينما نتحدث مع بعض فلابد لحديثنا ان يأخذ صبغه خاصه وانا حينما قلت هذه الجمله فقد قلتها من باب الحديث الى اخوه اعتز بهم واشفق عليهم يعنى بالله عليك الغناء مش هباب ومتنيل بنيله ولا حاجه كويسه؟
يمكن انتوا عندكو فكره غلط ان الغناء كويس ومفيش خطوره فيه لانكم طلعتم لقيتم الناس كلها بتغنى ومفيش حد بيتكلم فى الغناء ودا مش معناه ان الغناء شىء بسيط وبعدين عايز اقول لك لو انت راجل مثقف صح لو رجعنا للتاريخ دا واللى بقول عليه حقبة الظلام سوف ترى مدى الانحلال الخلقى الذى حل بالمسلمين وباخلاقهم وعاداتهم
على كل حال اشكرك على المناقشه وانك فتحت معى باب الحوار ولم تغلقه فهذا يدل على انك راجل محترم
تحياتى
ودا الايميل علشان اشوف ممكن اكون كتبت كلمه زعلتك مخدتش بالى منها
mishrag2002@yahoo.com

حياتي كلها لله يقول...

السلام عليكم

لم أستطع كتابة الجزء الالثاني من "ماذا تفعل لو كنت مكاني "
قبل أن اتأكد من أن كل الأراء اللتي تشرفني دائما ..و اللتي انتظرها ...قد قرأت الجزء الأول لتتابع معي الجزء التاني

و عندما لم أجد حضرتك ..قررت دعوتك لقرائته ..

أرجو قبول الدعوة و سماع تعليقك و غن كان نقدا
تحياتي
سلمي

جنّي يقول...

راعي الناقة

الأخ الفاضل ما بين المدونون وبعضهم يجب أن يكون حافلا بالاحترام المتبادل وعدم التسفيه وخاصة انك لم تعرفني جيداولم تزر مدونتي وتعلق الا مرة واحدة تقريبا قبل ذلك ولم اعرفك جيدا وتعليقك صدمني جدا .. ولا زالت هناك بعض الألفاظ في تعليقك الحالي فماذا يعني أنك تشفق علي أو على غيري ؟
وكذلك ( يمكن انتوا عندكو فكره غلط ان الغناء كويس ومفيش خطوره فيه لانكم طلعتم لقيتم الناس كلها بتغنى )

وكذلك جملة (وبعدين عايز اقول لك لو انت راجل مثقف صح )

اخي الكريم هذا ليس أسلوب للحوار .. فتسفيه الآخرين والحط من قدرهم لا يفيد مطلقا ..

وللمرة الثانية انا لا أناقش قضية الغناء حلاله وحرامه ولم اطلب مناقشته ..

لذا أرجو غلق باب المناقشة وعفا الله عما سلف واعتذر لك عن ردي الأول عليك وسأقوم بحذفه ..

واهلا بيك دايما حتى ولو اختلفت معنا ولكن ارجوك الا تخرج الفاظك عن حدود تعارف عليها الناس ..

حياتي كلها لله يقول...

السلام عليكم

جني

جزاك الله خيرا علي تلبية الدعوة ...

أنا أخدت بالي من هذا الخطأ تقريبا دوست علي SHIFT براحة مع "غ"لكتابة "إ"فلم تظهر سوي "غ"
بس نسيت أصلحها
عموما أنا صلحتها ...

جزاك الله خيرا للإفادة ,,
لو حضرتك تقدر تجيبلي لينك المصحف المرتل ..زيبقي جزاك الله خيرا ..
و إزاي أقدر أنزله علي البلوج

تحياتي
سلمي

ahmed_k يقول...

ما أجمل الحب الذي يكون متبادلا
ويحاول كل طرف ان يخفيه بداخله
ولكن هيهات
فالحب لا يمكن إخفائه
فسرعات ما تصرح به العينان
ولغة العيون مفضوحه وظاهره

وعلى رأي علي
ربنا يلم الشمل ويجمع
التك تك على التك تك
وعلى فكره
ده غير التوكتوك ههههههههه

تحياتي يا سعيد على هذا البوست الرقيق

جنّي يقول...

كيارا

اول تعليق !!

هو فين التعليق ؟؟

جنّي يقول...

محاسن صابر

تعليقك التاني لخص الحكاية .. هي الدنيا كده .. وهو القلب كده اللي جايب الكافية للناس ..

بعد الجواز ها يتوقف عليها وعليه يا نار .. يا جنة .. بأيديهم وليس بيد أحد آخر

شكرا لزيارتك وتعليقك ..

جنّي يقول...

سمكة واحدة

حاضر ها افهمك

الكلام المكتوب ممكن يكون حصل فعلا .. او قد يكون من نسج الخيال .. وليه الربط بين السفر للخليج وزمان ؟

والتكاتك كتير بس النفس ..

طولي براحتك المدونة مفتوحة 24 ساعة طوال الاسبوع ..

جنّي يقول...

شق القمر

وعليكم السلام ورحمة الله وبركاته يا دكتورة

اشكر تعليقك الرقيق وثناءك الذي أخجل تواضعنا ..

شكرا يا دكتورة

جنّي يقول...

صبرني يارب

اشكرك يا فندم عل تشريفك وتعليقك الذي اسعدني ..

والحمد لله ان ادخلنا عليكي الابتسامة

شكرا وتحيتي

جنّي يقول...

علي عبد الله

ومضى ليه ما احنا فيها ..

الحمد لله لم الشمل بس بتوكتوك تاني

وعليكم السلام

جنّي يقول...

shasha

الذكريات جزء من حياتنا

شكرا لزيارتك وتشريفك

جنّي يقول...

ألاء

ايوه صح .. طايرة من غير جناحين
واهي دنيا

شكرا لزيارتك وتعليقك

جنّي يقول...

كيارا

وجاء التعليق

ليه ؟ من غير ليه ..

دا قدر ربنا سبحانه وتعالى

اشكرك على التعليق والزيارة الثنائية

جنّي يقول...

عاشقة القمر

شكرا لبنت النيل .. وزيارتك اسعدتنا

وكمان تعليقك ..

والصبر ليس لنا سواه لنسلو مر الذكريات

جنّي يقول...

حسن حنفي

اهلا ابو علي

شكرا لمرورك وتعليقك

جنّي يقول...

gannah

شكرا يا دكتورة لزيارتك ومرورك وتعليقك ..

معك حق فهناك ذكريات سعيدة افتقدنا اصحابها وهناك ذكريات مريرة وددنا لو سلونا اصحابها ..

النهاية والأحداث كانت متسارعة قبلما يحدث الشجن والأسى ومر الفراق ..

شكرا وتحيتي

جنّي يقول...

همس

اهلا بيكي وبتعليقك المرح

جني كان كااااان شقي

والهداية من عند الله

ومن جني لكي التحية

جنّي يقول...

موناليزا

شكرا امة الله على زيارتك ادامها الله علينا ..

جنّي يقول...

nona

شكرا لزيارتك واهلا بيكي دايما

ولكن على الانسان الا يقف في محطة واحدة من حياته ..

الله اعلم بالقلوب اذا كانت معجبة او محبة

جنّي يقول...

jana

اهلا بحضرتك وتعليقك المميز ..
والله نسعد دائما بتعليق دايما فوق العادة ..

وكما ذكرتي الحياة دائما ممزوجة بالسعادة والشجن .. ويمكن دا سبب حلاوتها..

اشكر تشريفك لنا

جنّي يقول...

أختكم في الله

شكرا يا فندم على دعواتك

ربنا يقدر لنا الخير دايما

جزاكي الله خيرا

جنّي يقول...

appy

شكرا يا فندم على زيارتك ..

يار يت يكون هناك تواصل بمن نعرف .. وفعلا هناك من نتمنى رؤيتهم ولكن حال بيننا وبينهم الزمان والمكان ..

سلمك الله من كل شر

جنّي يقول...

محمد عبد الباسط

شكرا اخ محمد على زيارتك

واهلا بيك وبتعليقاتك

جنّي يقول...

حياتي كلها لله

شكرا على الدعوة وتم تلبيتها في التو واللحظة ..

شكرا دكتورة سلمى على ثقتك

واهلا بيكي

جنّي يقول...

حياتي كلها لله

وعليكم السلام ورحمة الله

بالنسبة للمصحف الرقمي وليس المرتل ..

هو مصحف يمكن البحث فيه وتصفحه ونسخ الايات منه لوضعها في البوست او المستندات على الورد .. بنسخ ولصق .. والبرنامج ملفه عندي على الهارد لو أردتي أرساله ولكن كيف ؟

على كل سأبحث عنه في النت لأدلك على موقعه وكيفية تحميله ..

شكرا يا دكتورة

جنّي يقول...

AHMED k

اهلا يا عم احمد أخبارك ايه .. انت نسيتنا ولا ايه ؟

على كل اهلا بيك وزيارتك دايما تسعدني والله ..

ويا سلام على تعليقك الجميل

مش اي تك تك .. فيه تك تك وفيه توك توك ..

بس تعرف ان الحب حب .. جميل في كل الحالات سواء كان متبادلا او غير ذلك فهناك من يحب من طرف واحد ويجد سعادة ولذة غريبة في حبه .. ازاي معرفش

شكرا يا ابو حميد

جنّي يقول...

حياتي كلها لله

يمكن البحث في جوجل بكتابة ( المصحف الرقمي ) وهناك الكثير من المواقع تحمله مجانا ..
او الدخول لموقع :soft.sptechs.com/12152-Digital-copy-of-the-Holy-Koran.html

احفظي البرنامج على الهارد ثم افتحيه لانه مضغوط ويستب من نفسه ويضع ايقونة على سطح المكتب .. والان يمكنك البحث وتحديد الآية ثم نسخها ولصقها في البوست ..

اي خدمة يا فندم وتحت امرك

سمكه وحده يقول...

ايون انا كده فخمتوا معلش براحه عليا طيب متزوقش انا مخي علي ادي ومعايا شهاده اتعامل معامله اطفال انا بقلك اهو
هههههههه
اما بالنسبه للخليج لان قلت انها مشيت من المدرسه وانا سفرت للخليج ليس الا فقط شوف الفهلوه بتعتي لا اوعي
بما ان التكاتك كتير فهي فعل التكاتك كتير بس اين النفس
بس كل تكتوكه غير اختها ولا اييييييييه
تحياتي
سمكه

mo'men mohamed يقول...

أدام الله فرحك فى طاعته

جزاكم الله كل خير
السلام عليكم

جنّي يقول...

سمكة واحدة

انتي مش عايزة مدون علشان يفهمك
انتي عايزة واحد صياد
معاكي شهادة معاملة اطفال !! والشهادة دي بعد الاعدادية ولا قبلها

ومعاكي حق كل تكتوكة غير اختها بس برضو فين النفس ؟

على فكرة ياترى لقيتي حد يسألوكي عليه ؟؟
لو ما لقتيش حد فيه اتنين وثلات واربع وخميس كمان ..

سلام يا سمكمك

جنّي يقول...

mo'men mohamed

اهلا وسهلا

اشكر زيارتك ودعائك جعل الله لنا ولكم منه نصيب

وجزاكما لله كل خير

وعليكم السلام

ammola يقول...

عارف
انا عملت زى جنيك
ابتسمت اول التدوينة..وزعلت اخرها
ابعد الله عنك وعنه وعمن تحب كل حزن

rovy يقول...

جميله الذكريات التى تصاحبها اغانى جميله لنظل كلما سمعنا تلك الاغنية تذكرنا تلك الذكرى ..

جميله قوى كمان اغنيات فيروز و اغنية تك تكدى لها عندى ذكريات طفوله حيث اننا كنا نرقص عليها فى مدرسةالراهبات وانا فى الابتدائى.........ياااااه فعلا ذكريات جميله
ادعوا الله ان يجمعك بكل احبابك و ان لا تفرقكم ايام و ربما تلاقى الخليلين بعد ان ظلا ان لايلتقيان ..

تحياتى

محمد الجرايحى يقول...

الأخ الفاضل: أ/ سيد
السلام عليكم ورحمة الله وبركاته
وشكراً على هذا الحديث الطيب
وأدعو الله أن تكون بخير
وتقبل تقديرى واحترامى
اخوك
محمد

mahasen saber يقول...

ايه مالك حاسه ان مناقشاتك مع راعى الناقه عصبتك معلش سؤ الفهم دايما بيكون بدايه لصداقه قويه
...........
المهم انتا تمام وبالف خير
...

جنّي يقول...

أمولة

حمدا لله على السلامة

جزاكي الله خيرا على حضورك وتعليقك

جنّي يقول...

روفي

اهلا وسهلا المدونة شرفت بمرورك

اشكرك على تعليقك الرقيق وحديث الذكريات .. واشكر دعواتك ..

جنّي يقول...

محمد الجرايحي

وعليكم السلام ورحمة الله وبركاته

مرحبا استاذي الكريم

وشكرا على مرورك وتشريفك لنا

جنّي يقول...

محاسن صابر

اهلا اخت ام عبد الرحمن

شكرا يا فندم على سؤالك ..

الموضوع وما فيه كما ذكرتي سوء تفاهم

ولكن انا والحمد لله منذ ان بدأت التدوين وانا ازور الكثير من المدونات واجد فيها ما يعجبني واجد مالا يعجبني واختلف مع بعضهم او بالأصح مع موضوعاتهم او بعضها .. ان عجبني الموضوع علقت عليه وان لم يعجبني انسحبت واحيانا اختلف ولكن بلا تجريح او تسفيه لرأي .. واحيانا اجامل .. واحيانا اعلق بكلمة طيبة وتكون لي صدقة ..

واخونا الراعي له تعليق حذفته ولا داعي لذكر ما جاء به ولكن كان ردي عليه به شئ من القسوة .. فقمت ايضا بحذفه .. وكانت المناقشة التي ارادها والموجودة بالتعليقات ..

ولكني والحمد لله لا اكن لاحد ضغينة وقمت اليوم بزيارة مدونته والتعليق عنده .. حتى لا يظن ان في نفسي شئ ضده ..

وانا الحمد لله تمام وبخير ..

شكرا اختنا الكريمة

نهر الحب يقول...

جميلة هى الذكريات
وجميلة هى الحان فيروز حين تحملنا الى ماضى جميل بكل ما فيه
بوست جميل رغم بساطتة يحمل معانى كبيرة
تحياتى للجنى العاشق

Taweel ashawq يقول...

اخ جني
صراحة اول مرة حد بيعمل عندي فضول اسمع اغنية بس برضو مش حسمعها وسكتها!!

بصراحة القلب قطعة رقيقة جدا في كينونة البشر ..والمحافظة عليه وحمايته امران باتا مهمين في ظل حيثيات الحياة الي بنعيشها من اختلاط لدوعيه طبعا وفي غيرو ملوش دواعي ..وهذا بيسلتلزم علينا نحاول نحصن أنفسنا بقدر المستطاع ..لأن غصة القلب وألمه شعور مؤلم لانستخق أن نكابده..فالقلب إذا تعلق بمن ليس له كان له كبد من العذاب يضاعف لحظات الانتشاء والفرح اليت لا يستشعرها إلا من عاشها...

لذا أدعونا جميعا باجتناب محفزات هذا الميل المودي إلى طريق التعلق والقرب بين طرفي الحياة فيما لايقدر لهما فيه..

وأسأله تعالى لي ولكم الثبات والستر في الدارين

للحقيقة يااخي اسلوبك يف التدوين طيب جدا.


بارك الله فيك
تشرفت بزيارة مدونتك

فاطمة يقول...
أزال المؤلف هذا التعليق.
فاطمة يقول...
أزال المؤلف هذا التعليق.
فاطمة يقول...

مدونه جميله ومشتمله على كل حاجه ومبسوطه لزيارتها ومنتظرين مزيدك تحياتى وتقبل مرورى