الثلاثاء، سبتمبر 16، 2008

مغامرات جنّي في رمضان ...

تحديث 2 ...
في ذكرى فتح مكة ..
ما احوجنا إلى فتح جديد مع الله ..
تحديث ...
في ذكرى غزوة بدر الكبرى ..
ما أحوجنا إلى بدر جديدة تعيد لنا عزنا ومجدنا وتمكيننا ... ونقول لأصحاب الفخامة والسعادة والعظمة والسمو والعلو والارتفاع في كل العالم العربي والإسلامي : اصح يانايم صح النوم !!!
لكل منا ذكرياته في شهر رمضان .. وبمجرد حلول الشهر الكريم يقوم العقل بعمل فلاش باك لهذه الذكريات فتعالوا معي نستعرض بعضها يحكيها لنا جنّي .. كنا نحلم بقدوم رمضان ونستعد له بادخار جزء من مصروفنا اليومي .. وصناعة الزينة التي سترفع في الشارع .. كما تستعد المساجد وتتزين بالأضواء طوال الشهر .. كما يستعد له أناس آخرون مثل بائع الكنافة ببناء أفران الكنافة .. وبائع الطرشي البلدي وبائع العرقسوس والتمر هندي والفول المدمس والزبادي وبائع القمر الدين والبلح والمكسرات ( النقل ) - بضم النون - وغيرهم ..
وها نحن يوم التاسع والعشرين من شعبان ننتظر إعلان دار الإفتاء عن بداية الشهر الكريم .. وأعلنت دار الإفتاء أن غدا أول أيام الشهر الكريم .. وانطلقنا في الشارع : بكرة صيام على رمضان .. بكرة صيام على رمضان .. وكان أول يوم والحمد لله كنت صائم وكنت والصبية نتجمع في الشارع حتى آذان المغرب وعند الآذان نصيح كلنا مغنيين: افطر ياصايم على الكشك العايم والعيش المقمر والجينة الحلوم .. وندخل بيوتنا لتناول طعام الإفطار .. وعلى الإفطار كنا نستمع إلى الشيخ سيد النقشبندي وتواشيحه الجميلة .. ثم نستمع إلى المسلسل الفكاهي مثل أشجع رجل في العالم ( أمين الهنيدي وشويكار ) – أو شنبو في المصيدة ( المهندس وشويكار ) - ومسلسل رضا بوند ( محمد رضا وصفاء أبو السعود ) وغيرها مثل ألف ليلة وليلة ( طاهر أبو فاشة ومحمد محمود شعبان وصوت زوزو نبيل تقوم بدور شهرزاد ) .. ومن المسلسلات الدرامية مثل الشك ياحبيبي – نحن لا نزرع الشوك ) هذا قبل انتشار الفضائيات وقنوات المسلسلات ووصلة الشيخ صالح .. ثم نخرج لصلاة العشاء والتراويح وبعد الصلاة نجتمع في الشارع لرسم خطة اللعب وكنا أربعة من الصبية من يراهم يقول : دول جن مصور .. شقاوة لم تحدث من قبل واسمعوا معي قصتهم في أول أيام رمضان .. اجتمعنا وقررنا ما هو آت : شراء الصواريخ ( ولم تكن مثل صواريخ اليوم المعروفة بالديناميت بل كانت تشبه القلم الرصاص المبري طولها حوالي 10 سم من الورق الملفوف على كمية من البارود الأصفر المستعمل في البمب ( بضم الباء ) وفي طرفه فتيل اسود صغير يشتعل ثم ينفجر الصاروخ .. واشترينا الصواريخ وقررنا الذهاب إلى رضا بائع الذرة المشوية واتفقنا على مغافلته ثم نرص الصواريخ على طرف الحطب المشتعل ثم نبتعد وننتظر الانفجار وفجأة تنفجر الصواريخ .. وننفجر نحن في ضحك هستيري ونجري بعيدا حتى نفلت بفعلتنا .. وفعلا نجونا .. ثم قررنا عمل الخطة ب .. على فين يا عيال ؟ على عم ضبّو بتاع الكنافة فلا زال معنا كمية من الصواريخ .. وعم ضبو يا سادة يا كرام رجل طيب يبني فرن كنافة بلدي في شارعنا يشعله بالحطب نعرفه ويعرفنا .. اقتربنا منه وقلنا : سلامو عليكو يا عم ضبو رمضان كريم .. وأيضا غافلناه ووضعنا ما بقي من الصواريخ في محمة الفرن .. ( والمحمة جزء مفتوح أسفل الفرن لإدخال الحطب ) .. وتنفجر الصواريخ ويرتعد عم ضبو من قوة الصوت .. وتوعدنا بإخبار أهالينا .. وذهبنا لبيوتنا بعد جولة في ميدان بلدنا ظنا منا أننا سننجو بفعلتنا مع عم ضبو كما نجونا مع بائع الذرة المشوي .. ولكن كان ينتظرنا الأسوأ .. استقبلتني ستي ( أم أبويا ) : عملتو ايه يا وله مع ضبو مش حرام عليكو ما عشتو ولا اندكرتو عيال .. فقلت : مش أنا والنبي ياستي دا الواد إبراهيم ابن أم فوزي ( بضم الفاء والواو ) .. ثم تلقاني والدي بزغد ولوكش ولوكامية .. وتتدخل الوالدة بقلبها الطيب ها تموت الواد .. عيال وبتلعب .. خلاص مش ها يعملو كدا تاني .. تفتكروا هل العلقة الساخنة التي أخذناها ستبطل عفرتتنا لا أظن .. وعايزنا نرجع زي زمان .. قول للزمان ارجع يازمان ..
انتظروا مغامرة جديدة لجنّي وأصدقائه تشيييييييب ... وفوازير رمضانية رهيبة للتحدي ...

هناك 51 تعليقًا:

شق القمر يقول...

أول تعلييييييييق يا جنّى
كم كنت شقى :))
انتظرنا طويلا لتتكلم هنا
رمضان كريييييييييييييييم
بس احنا البنات بقى كان لينا ذكريات لطيفة
مش جنيّة زى حضراتكم كده
كل سنة وانتم بالف خير وعافية :)
ودائما تنبع الذكريات الطيبة بالروح الطيبة :)

أختكم فى الله يقول...

كل سنة وحضرتك طيب

والله ذكريات جميلة

يا رب يبارك لنا فى ما تبقى من رمضان

ويرحمنا ويغفر لنا ويعتق رقابنا من النار جميعا ويكتب لنا دخول الجنة

وكل رمضان ان شاء الله يعدى على حضرتك يبقى جميل ويبقاله ذكريات جديدة وسعيدة

حسن حنفى يقول...

كل سنه وانت طيب

الواحد فعلا كل رمضان بيتخيل رمضان اللي فات

بس بالنسيه ليا برضه كل رمضان بيكون مختلف

عن اللي قبليه

تحياتي

.:.-=- ELGaZaLy-=-.:. يقول...

كل سنة وانت الى الله اقرب..عارف فكرتنى بايام زمان بجد كانت ايام اصعب من ان تنسى...

ربنا يتقبل ويرحمنا

ahmed_k يقول...

ههههههههههههههههه
كده يا سعيد عم ضبو
حرام عليك الراجل قطع الخلف من يومها
عايزو يعديها بالساهل كده
بالتأكيد راح لبيوتكم انتم الأربعه
وفتن عليكم أنتم الأربعه هههههههههه
شكلك كنت جني خالص وإنت صغير

عموما كل سنه وإنت طيب

ورمضان كريم

عاشــــــ النقاب ـقــــة"نونو" يقول...

السلام عليكم
والله ذكريات جميلة تعيش وتفتكر
بس دي مش عفرتة ابدا انا مرة حبيت اعمل شريرة وحدفت بمبة من البلكونة وفرقعت على راس عيل من يومها ما مسكتش البمب تاني واصلا كانت اول بمبة تتفرقع واخرها
تصدق اللي بيتعمل دلوقتي قنابل بتخوف الواحد يمشي في الشارع والله
كل عام وحضرتك بخير
احنا برضه عندنا عم ضبو بس بتاع الحواوشي هههههههههههههههه
تحياتي

أكون أو لا أكون يقول...

بجد ذكريات الطفوله شيئ رائع...
بس غريب العم ضبو... صبره قليل على الأطفال هههههه... إلا إذا كانت شقاوتكم فوق المحتمل هههههههه...شكر لجني ... ولصاحب جني...

همس يقول...

يانهارك ابيض

ياريت ترجع زيى زمان

وتيجى تفجر اللى بالى بالك ؟؟؟؟؟

والله ينوبك فينا ثواب

وفى الشعب المصرى كلو


كل سنه وانت طيب

الاكاده انك خمتنا ومش باين عليك الشقاوة


رمضان كريم

غير معرف يقول...

هههههههههههه
اضحك الله سنك

رمضان كريم

Unknown يقول...

عودا حميداا
لى عتاب وزعلانة بس اقول اية ؟؟
لى عودة للتعليق على الابداع الجميل
من جنى رمضان

Unknown يقول...

يالها من ايام جميلة بها روح طيبة
وروحانيات عالية
ليت الزمن ما دار
وبقى فينا روح الطفل
وبقى لرمضان نفس الطابع والمذاق
رغم انتشار الفضائيات الا ان رمضان تغير ولم تبقى لديه نفس النفحات الجميلة


كل عام وانت بخير يا جنى الخير

جنّي يقول...

شق القمر

اهلا دكتورة رنا

كل سنة وانتي طيبة ورمضان كريم

نسال الله لنا ولكم العفو والعافية

اللهم انك عفو كريم تحب العفو فاعف عنا

جنّي يقول...

اختكم في الله

اهلا وسهلا المدونة شرفت بكم

رمضان كريم واسعد الله كل ايامك

جنّي يقول...

حسن حنفي

اهلا يا ابو علي كيف حالك وعامل ايه في الصيام ؟

بالطبع لكل منا ذكريات وما اكثرها في رمضان

تقبل الله منا ومنكم الصيام والقيام

جنّي يقول...

الغزالي

مرحبا اخ محمد كيف حالك يافندم
رمضان كريم

الذكريات الرمضانية اصبحت جزء من دنيانا الجميلة ..

جنّي يقول...

احمد ك

مرحبا ياعم احمد

رمضان كريم

شقاوة عيال تعمل ايه

شرفتني وكل رمضان وانت طيب

جنّي يقول...

عاشقة النقاب

مرحبا اختاه شرفنا بمرورك

مش احنا بس اللي طلعنا بنتشاقى كمان فيه بنات آخر شقاوة ..

جزاكي الله خيرا

جنّي يقول...

اكون او لا اكون

اهلا وسهلا شرفنا بمرورك

فعلا كان راجل طيب الله يرحمه

الشكر ليكي يافندم

جنّي يقول...

همس

شرفتينا تشربي حاجة ولا صايمة

اللي بالك بالي خليه لضربة ربنا وتكون قوية ..

ماخمتكوش والله .. امال لو شفتيني ها تقولي دا ملاك ..

رمضان كريم

جنّي يقول...

شيماء سمير

اهلا بالشيماء

الله اكرم

كيفك في الصيام

ربنا يتقبل الصيام والقيام

جنّي يقول...

الريحانة

اهلا ايناس
والله انا عارف مقصر مع ناس كتير
معلش رمضان كريم

اشكر مرورك وتعليقك المميز دائما

زمان كان فعلا غير

بس رمضان بجماله وحلاوته وروحانياته باق دائما ..

Unknown يقول...

أخى الفاضل: أ/ سيد
السلام عليكم ورحمة الله وبركاته
رمضان كريم
استمتعت كثيراً بحديث الذكريات وروعة المغامرات
بارك الله فيك وأعزك

لؤلؤة الاسلام يقول...

ما شاء الله مدونة جميلة و بوست رائع

و تحياااااااتى
و تقبل مرورى

و كل عام و انتم بخير

Jana يقول...

صحيح ..الجنّى جنّى من يومه

فكرتنا بايام حلوة ... واللى احلى ما فيها كان المسلسل الاذاعى وقت الفطار

طبعا عم ضبو قلب كنافة آلى من يومها
:))))

يا استاذ سعيد ربنا يسعدك انا لسه بادعيلك بإسم استاذ سيد ...حضرتك بقى غير اسمك أسهل
هههههههه

تقبل الله منك العشر الاواخر ووفقك وإيانا الى قيام ليلة القدر
لا تنسانا من دعائك

صبرني يارب يقول...

هههههههههههههههههههههههه

اولا المسلسلات الى حضرتك بتحكي عليها دي انا مش فاكراها
يظهر ان كان ده فى عصر سابق

ثانيا بررررضه الصواريخ دي انا مش عارفاها على ايامي انا كان فى بمب وبتاع كده نخبطه بطوبه يفرقع مش فاكره اسمه

وكان فى صواريخ برضه بس انا مش فاكره شكلها اصل انا ما كنتش بالعب كتير مع عيال تانيين وانا صغيره اخواتي بس وفى البيت بس وكمان انا كنت اهدى واحده فى اخواتي ده وانا صغيره
دلوقتي قلبت على الاااااااخر

بس حرام عليكم الى عملتوا فى الناس ده يا استاذنا هههههههههههههههه زمان الراجل تاب وانام وبطل يشوي دره وبقى بيشوي بطاطا

كل سنه وانت طيب يا اخي الفاضل ورمضان كريم

Asmaa mahaba يقول...

الله يسامحك جوعتنا
كل عام وانت اللى الله اقرب

حنين.. يقول...

كل سنه وحضرتك طيب
واهو بكره هندخل الاعتكاف
وبعد
10 ايام بس
هنودع رمضان
ياااااااااااااه
الدنيا دى بتجرى
دمت بخير

جنّي يقول...

محمد الجرايحي

وعليكم السلام ورحمة الله وبركاته

الله أكرم

شكر الله لك مرورك وتعليقك

جزاكم الله خبرا

جنّي يقول...

خديجة محسن

شكرا خديجة

وشرفني مرورك

وكل سنة وانتي طيبة

جنّي يقول...

جنى

اهلا باختنا الكريمة ام جنى

جزاكي الله خيرا على دعواتك .. ومش مهم الأسم المهم الدعاء

لا بس الجني دلوقتي طيب وترك الشقاوة

جزاكي الله خيراوبارك الله لك في عبادتك وتقبل منكي وبلغك ليلة القدر

جنّي يقول...

صبرني يارب

أخيرا فزت بزيارة ..

على كل حضرتك دائما تشرفي مدونتي بالزيارة..

هههههههه المسلسلات كانت من العصر العباسي ..
لو سمعتيها ها تفتكريها وها احاول ارفع واحدة منها في المدونة ,,

اللي كنتي بتضربيه بالطوبة كان اسمه حرب ايطاليا او هكذا كان اسمه عندنا
وكان عبارة عن قطع بنية صغيرة ملصقة على شريط ورقي ..

كانت شقاوة عيال بقى .. بس شوفي البوست القادم والشقاوة اللي على اصولها ..

رمضان كريم

وكل عام وانتي بخير وصحة وعافية وعفو من الله وغفران

جنّي يقول...

سومة المجنونة

شرفتي يا سومة

كل سنة وانتي طيبة

وما دام جوعتي انتي معزومة عندنا على الفطار ورمضان كريم

جنّي يقول...

حنين

اشكرك على مرورك

وربنا يتقبل منا ومنكي الصيام والقيام والاعتكاف ويبلغنا ليلة القدر ويعيننا على قيامها ..

وهكذا الأيام افضلها من يفلت من أيدينا بسرعة ..

عاشقة القمر يقول...

شكلهاوالله ذكريات جميلة تعيش وتفتكر
روح طيبة
وروحانيات عالية
ودائما تنبع الذكريات الطيبة بالروح الطيبة
هو رمضان اوشك اهتروح ابام رمضان
ربنا يعيدوا عليلنا بخير وبركات

سلوى يقول...

كل سنه وانت طيب وبخير وصحه أنت وكل الأسره
عندي تأخير أنا عارفه

رمضان بقى

كنت لسه من يومين بفتكر المسلسل الإذاعي في رمضان

كانت أيام جميله .. أو يمكن لأننا بننظر دايما للماضي إنه أجمل
مش عارفه

دمت بكل الخير

سلوى يقول...

نسيت وعلقت بالحساب التاني :) فري هارت

أنا سلوى

يعني أغيب وكمان أعلق بشخصيه ماتعرفهاش :)

جنّي يقول...

عاشقة القمر

اهلا بيكي شرفني مرورك

واسعدني تعليقك

هكذا الايام الجميلة تسير بسرعة

عساكم من عواده ان شاء الله

جنّي يقول...

سلوى

مرحبا باستاذتي في الحاسب

نورتي المدونة وكنت ها اعرف انك سلوى بتتبع الحساب

كل عام وانتي بخير وصحة وعافية وعفو من الله وغفران

الشريف / جمال طة يقول...

نصاب الشقق التمليك بالمعادى / محافظة القاهرة
الـــــى السيد المستشار / النائب العام
الى السيد اللواء / حبيب العادلى وزير الداخلية
الى السيد اللواء / أحمد جمال الدين
مساعد وزير الداخلية مدير ادارة تنفيذ ألأحكام
الى السيد اللواء / مدير مباحث أمن الدولة
الى السيد اللواء/ مدير مباحث ألأموال العامة

مطلـــــــــوب القبــــــض
علـــــى نصاب عائلـة الزينــــى

نصاب الشقق التمليك بزهراء المعادى / بالمعادى / بمحافظة القاهرة

المهندس / ايهاب فراج محمد ابراهيم الزينى

وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من سبعون حكما قضائيا

وعنوان سكنه وعنوان الشركة

شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه

و مدينة المنصورة بمحافظة الدقهلية

ومركز بشبيش بطنطا بمحاظة الغربية

واليكم على سبيل المثال لا الحصر بعضا من القضايا المحكوم فيها على هذا النصاببالسجن وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و

قضية رقم 5977 لسنة 2008حصر رقم 3316 لسنة 8002 ( ستة أشهر حبس ) بتاريخ 25/6/2008
قضية رقم 6098 لسنة 2008 حصر رقم 2906لسنة 2008 شهرين حبس بتاريخ 4/6/ 2008
قضية رقم 5978 لسنة 2008 حصر رقم 3039 لسنة 2008 / حبس 6 أشهر سجن بتاريخ 11/6/2008

قضيه رقم 6099لسنة 2008م حصر 2947لسنة 2008 ستة أشهر سجن جلسة 5/6/ 2008

قضية رقم 10030 لسنة 2008 حصر برقم 5979 لسنة 2008 سنــــــــــــــــة سجن جلسة 3/7/2008

بالاضافة الــــــى أربعة عشر حكما صدرت ضده باحكام بالحبس شهرا لسرقته التيار الكهربائى بعمارات الرقابة ألأدارية بالبساتين رقم 13 و 23



وماخفــــــــى كان أعظم

Unknown يقول...

كل عام وانت بخير
وربنا يرزقنا فتوحات حقيقية كبدر

تحياتى لك جنى

أختكم فى الله يقول...

فيه تاج فى مدونتى يا ريت لو حضرتك تحله

Beram ElMasry يقول...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

صبرني يارب يقول...

يا استاذنا والله الكمبيوتر بتاعي كان عطلان

وعلى فكره سألت رضا امبارح على البتاع الى كنا بنفرقعه بطوب ده قالي انه اسمه حبش

والمسلسلات لا مش من العصر بتاعي مش هافتكرهالاني ما شوفتهاش بس مستنين الرابط يعنى اهو نشوف كان فى ايه هناك


ولك تاج عندي يا استاذنا شرفنا بقبوله

مـجـنـووون يقول...

والله أحنا مفتقدين الفرحه بقدوم رمضان بتاعت زمان

كان ليها طعم تاني حتي ريحة الجو كان ليها ريحة مميزة

يا رب يجعلنا من عتقاء شهر رمضان

تقبل مروري
مجنووون

جنّي يقول...

الشريف جمال طه

ربنا يعوض عليك

وما ضاع حق ورائه مطالب

جنّي يقول...

الريحانة

اهلا بيكي نورتي المدونة

شكر الله لكي تعليقك وزيارتك

رمضان كريم

جنّي يقول...

اختكم في الله

شكرا على مرورك واهداء التاج

ان شاء الله احاول ولكن بعد رمضان

جنّي يقول...

بيرم المصري

اهلا بيك

ها نتشرف بزيارتك ان شاء الله

جنّي يقول...

صبرني يارب

شكرا على مرورك

والله المدونة نورت

عندي في مكتبتي السمعية مجموعة من هذه المسلسلات ولكن بصيغة غير MP3 حاولت احملها وفشلت ها احاول انزل الرابط ليها

وشكرا على اهداء التاج ها احاول بس بعد رمضان ان شاء الله

جنّي يقول...

مجنووووون

اهل بيك وشرفنا مرورك

والله فعلا رمضان زمان كان غير واجمل وأروع

اللهم اجعلنا واياكم من عتقائه في الشهر الكريم

FreeKiller يقول...

الزميل المدون المحترم
بعد التحية
ندعوكم لحضور ملتقى مدوني الشرقية الأول
يوم الأحد 5/10 الساعة الرابعة مساءً
مقر النادي الإجتماعي الخاااص بشركة مطاحن شرق الدلتا
أمام مقر الوفد بشـــــارع مدير الأمن - ميدان القومية - الزقازيق - محافظة الشرقية

و كل المدونين من كل حتة ف مصر مدعوين

وللمزيد من التفاصيل يرجي زيارة اللينك التاااااالي
http://goharyblog.blogspot.com/

لكم جزيل الشكر و كل عام و أنتم بخير