الاثنين، سبتمبر 22، 2008

مغامرات جني في رمضان 2 ...

تحديث ... في ليلة القدر
تقبال الله منا ومنكم الصيام والقيام ايمانا واحتسابا لوجه الله الكريم وعفا الله عنا وعنكم في ليلة القدر
لا زلنا في حالة الفلاش باك لذكريات رمضان .. يقول جنّي : بعد صلاة التراويح اجتمع الصبية الأربعة لرسم خطة العمل لهذا اليوم .. فقلت لهم : عندي خطة ولعبة جميلة بس لازم نعملها بدقة متناهية حتى لا يضار احدنا أو كلنا .. ومش عايز عبط اللعبة رهيييبة .. ماشي اشرحها لنا .. إحنا ها نعمل خناقة وها اضرب واحد منكم بسكينة في بطنه .. يا نهار اسود الواد دا مجنون .. اسمعوني للآخر .. واحد منكم سيضع قطعة كبيرة من قشر البطيخ داخل ملابسه تحت الفانلة بس يلبس فانلة قديمة ويفتح زراير البيجامة ونصطنع المشاجرة ( الخناقة ) ويقوم اثنان منا بالصياح واصطناع فض المشاجرة لاستجلاب الناس .. وهنا أقوم بضرب السكين في قشرة البطيخ وكأنما ضربته بالسكين في بطنه .. ويقوم الشخص المضروب بإمساكها والضغط على قشرة البطيخ حتى يسيل ماء البطيخ الأحمر ويلوث الفانلة وكأنه دم والسقوط على الأرض واصطناع الإصابة والتلوي من الألم وعندما تتأزم الأمور نوضح للناس أنها مجرد تمثيلية .. وها نجيب السكينة منين ؟ سأحضر كزلك ( سكينة صغيرة ) من بيتنا .. اتفقنا يا عيال .. ماشي يللا بينا .. واجتمعنا في مكان به كثير من الناس وبدأنا المشاجرة وصاح الصبيان بصوت عالي الحقوا الواد معاه سكينة ها يضربه بيها الحقونا .. الحقونا .. وعندما اقترب الناس قمت بضرب الولد في بطنه قصدي في قشرة البطيخ فالتصقت بها السكين وسقط الولد يتلوى من الألم آه آه .. وفررت وسمعت رجل يقول : يا نهار اسوح الواد ضربه بالسكينة .. وجريت بكل سرعة ولكن كان ورائي شحط أصر على اللحاق بي والإمساك بي .. وفعلا تم له ما أراد وأمسك بي وحملني حتى مكان الجريمة قصدي المشاجرة .. موّت الواد يابن الـ .. ياعم الواد زي الفل .. ودوه القسم .. يا عم استني الواد كويس .. كويس مين دا مرمي على الأرض والدم مغرق الفانلة .. وطاخ طيخ .. قوم ياواد بسرعة ها اموت من الضرب .. وريه قشرة البطيخ الله يخرب بيتك .. ووقف الولد وأخرج قشرة البطيخ من ملابسه .. وضحكنا جميعا .. فقال رجل : ياولاد اللذينة انتم بخ عفاريت ؟!!! وقال آخر : يا خبر ابيض دا احنا ماكناش عيال يا جدعان !!! .. ولكنهم أزالوا من على وجوههم علامات الذهول واستبدلوها بضحكات وانفرجت أساريرهم .. ونسيت لكمات الشحط الذي كان يضربني .. ورجع كل منا إلى بيته يحلم بمغامرة جديدة ..
الفزورة ..
1 – فزوره حسابية : اتفق ثلاثة أشخاص على شراء سلعة ما ( تليفزيون مثلا ) مشاركة فيما بينهم .. وذهبوا إلى المتجر واشتروا السلعة .. فقال لهم صبي المتجر : ثمنها 300 جنيه .. فدفع كل منهم 100 جنيه .. ولكن تدخل صاحب المتجر ونهر صبي المتجر وقال له السلعة ثمنها 250 جنيه فقط .. رد لهم 50 جنيه .. فطمع الصبي في 20 جنيه ودسها في جيبه .. ورد لهم 30 جنيه فقط .. فأخذ كل منهم 10 جنيه .. فأصبح نصيب كل منهم 90 جنيه .. وإجمالي ما دفعوه 270 جنيه .. وأخذ صبي المتجر 20 جنيه .. إذن إجمالي المبلغ المدفوع 290 جنيه .. وهم دفعوا 300 جنيه .. إذن هناك 10 جنيهات مفقودة .. من أخذها ؟ وأين ذهبت ؟

2 – ما هذا ( تعرف على الصورة ) إذا عرفت الحل اتصل على 0900999999999 والجائزة مغرية جدا جدا ورمضان كريييييييييم ...
الحلول ستكون في نهاية المدة المقررة للبوست ..

هناك 90 تعليقًا:

كيارا يقول...

هييييييييييه

اول تعليق


هقرا وارجع ارد

كيارا يقول...

ههههههههههههههههههههههه


بجد بجد حكااااايه

ضحكتوا علي الناس يالهوووووووي

لااااااااااااا بجد تحفففففففففففه

كل سنه وانت طيب

أكون او لا أكون يقول...
أزال المؤلف هذا التعليق.
أكون او لا أكون يقول...

ههههههه ده جني طلع بجد جني...
بس الحمد لله السكينه لم تصيبه ... فعلاً لعبه خطيره...

الحزوره:
ياجني المبلغ المدفوع 280 مش 270...
لان المبغ الاصلي 250... رجع 30 = يعني 280
والصبي اخذ 20
يعني المبلغ الكامل 300

بانتظار الجائزه...

بس الرقم ده على طول بيقول: خطوط الجن الان مشغوله اتصل مره اخرى...
هههههههههههههههههههه

محمود السيد يقول...

السلام عليكم
جنى مدونة جميلة
ده اول مرور ليا ان شاء الله موش هيكون الاخير(لو موش هدايقك)
الصورة يا جنى دى تبقى (عيون البومة)
المسابقة التانية ( تم الحل)
اشكرك تقبل مرورى
قصة جميلة اتمنى جزء واحد ميكونش اتحقق(طاخ طاخ ) ههههههه
محمود السيد/ صاحب مدونة شاطئ الاحزان

حسن حنفى يقول...

ههههههههههه

بجد لعبه جميله عاوز العبها معاك

جنّي يقول...

كبارا

اهلا اهلا المدونة نورت

وكل سنة وانتي بخير

وشكرا على تعليقك وعلى اطرائك على البوست

جنّي يقول...

أكون أو لا أكون

كانت شقاوة عيال

حل الفزورة مع الأسف مش صح لأن الأرقام التي ذكرتها انا صحيحة تماما

كل واحد دفع اولا 100 جنيه وتم رد 10 جنيه لكل واحد منهم اذن دفع كل واحد منهم 90 جنيه اذن جملة ما دفعوه 90 +90+90= 270 جنيه والولد أخذ 20 جنيه يكون المجموع 290 جنيه
معلش حاولي تاني وفي انتظار الإجابة
وما تنسيش الصورة

جنّي يقول...

محمود السيد

وعليكم السلام ورحمة الله وبركاته

اهلا بيك وشرفني مرورك ودائما تشرف

وشكرا على رأيك في المدونة

للأسف الصورة مش لعيون البومة وحل المسألة التانية غير صحيح
حاول تاني وفي انتظار اجابتك

لا اتحقق الناس بتحب تجامل في المواقف اللي زي دي

تحيتي ورمضان كريم

جنّي يقول...

حسن حنفي

اهلا ابو علي

ايه اخبار ركوب الميكروبات

شكرا على تعليقك مستعد لطلبك بس انا امسك السكينة العمر مش بعزقة

أكون او لا أكون يقول...

امممم الصوره... ممكن تكون جناحات فراشه؟

Walad_Masry يقول...

شوف يا سيدي

بالنسبة للقصة فطبعا قصة عفاريتي صحيح وفكرة اللعبة نفسها استاذه بس يا ريت تنوه في بداية القصه إن الموضوع ده مايقرؤش الا اللي فوق 15 سنه لحسن حد من العيال يقل عقله ويعمله بس بدون قشرة البطيخ ويبقى في ميزان حسناتك حاكم الدال على خير كفاعله :))

بالنسبة سعادتك للفزورة ممكن خيارات (بس يكونوا مش متقطعين للسلطة)

أما الصورة فممكن تكون ريش طاووس .. الله أعلم

تحياتي

شق القمر يقول...

مكنتش قادرة اضحك وانا تعبانة
:))
ايه الشقاوة دى كلها
فعلا فعلا احنا مكناش عيال
هههههههههههههههههه
تسلم جنى
واعذرنى عن المسابقات يمكن افوق من البرد واعود لوضع الحل :))

محمد الجرايحى يقول...

أخى الكريم : أ/ سيد
السلام عليكم ورحمة الله وبركاته
الغريب إن التخطيط لهذه الحيلة جاء بعد الخروج من المسجد واداء صلاة التراويح وفى رمضان والشياطين مصفدة ..أنتم غلبتم الشياطين هههههههههه
بالنسبة للفزورة فكرت فيها كثيراً لكن بماأن الجنيه المصرى قوته الشرائية دائماً فى هبوط ممكن يكون العشرة جنيه فرق سعر العملة ......

بالنسبة للصورة غريبة أول مرة أشاهدها
فى انتظار الحل

أختكم فى الله يقول...

كل سنة وحضرتك

ببقى سعيدة اوى لما باجى المدونة هنا معرفش ليه كدة بحس انى مرتاحة

انا مش عارفة هى دى صورة إيه

؟؟؟؟؟؟؟؟؟؟؟؟؟؟؟

tote يقول...

السلام عليكم
الصراحة انا توقعت ان الواد هيموت
فى الاخر ههههههه بس الحمد لله حصل خير
اما الفزورة الحسابية انا اعتقد
ان التلاتة دفعوا 300 والسلعة 250
يعنى صاحب المتجر رجعلهم 50 ولكن صبى المتجر طمع فى 20 اذا التلاتة اخدوا
كل واحد 10 جنية وصاحب المتجر 250 والصبى 20 اذا 30 +20 +250=300
بس كدة يا رب تكون الاجابة صح واخد الجايزة هههههههههه انا عايزة اشوف اسمى منور كدة وانت بتقولى الف مبروك يا توتى كسبتى الجايزة ههههههه
فكرة الفزورة ممتازة احيك

نهر الحب يقول...

اية دا
وكمان مسابقات
وانا نايمة فى العسل
؟؟
طيب ياجنى
هفكر وارجع

ابن حـجـر الـعـسـقـلانـى يقول...

يا عم أنا و انا صغير كنت باخاف أمسك السكينة .. ماتوصلش بيا الحالة إلى إنى استخدمها فى الهزار .. كنت جبان أنا و أنا صغير ... و يبدو إنى مازلت جبان

الباحث بيسلم عليك جدا .. و هو معلش مشغول و مش عارف يدخل النت إلا بصعوبة


بالنسبة للفزورة يا عم جنى هاتحتاج شوية جبر فى السريع .. لكن من الآخر .. العشرين جنيه المفروض ما تتجمعش على المتين و سبعين جنيه .. المفروض إنها تتطرح من الميتين و سبعين جنيه .. لييييييييه ؟؟ عشان اللى جاى دة

اللى دفعه الزباين = اللى استلمه المحل
300 = 300

بعد التقسيمة الأولى

100 + 100 + 100 = 250 + 50

بعد ما العيل قسم الفلوس مرة تانية
100 + 100 + 100 = 10 + 10 + 10 + 250 + 20

كل واحد أخد العشرة جنيه بتوعه
90 + 90 + 90 = 250 + 20

الخطأ الرياضى هو فى نقل العشرين جنيه من طرف المعادلة إلى الطرف الآخر بدون تغيير الإشارة

يعنى لو عايز العشرين جنيه تبقى مع الطرف اللى فيه تسعينات ... يبقى لازم تتطرح مش تتجمع

بمعنى آخر .. العشرين جنيه دول الولد أخدهم من المحل .. يعنى لما يرجعوا يبقوا يرجعوا للمحل و يتجمعوا على الميتين و خمسين جنيه ..مش يرجعوا للزباين

همس يقول...

يا نهار ابيض

ايه دا

انا هموت من الضحك


يا مصبتى

دا انت طلعت كارثه

هههههههههههههههههههههههههههههههه


وكلو كوم والشحط دا كوم تانى

معلشى على الكام بوكس اللى اخدتهم

بس بصراحه بصراحه تستاهل

ههههههههههههههههههههه

جنّي يقول...

أكون أو لا أكون

ها نؤجل الإجابات أخر الوقت

جنّي يقول...

ولد مصري


اهلا بيك شرفت يا راجل

اشكر تعليقك .. بس دي كانت شقاوة عيال ..

الحلول محاولاتك لا بأس منها وللاسف لا توجد خيارات

والحل آخر وقت التدوينة

جنّي يقول...

شق القمر

الف سلامة يادكتورة رنا ها ابعت لك دكتور حالا ..

للأسف شقاوة العيال أحيانا تفقدهم حياتهم .. وانا شخصيا فقدت اصدقاء بسبب السباحة في القناطر الخيرية ..
والحمد لله ربنا سترها معانا ..

جنّي يقول...

محمد الجرايحي

وعليكم السلام ورحمة الله وبركاته

والله يا استاذنا كانت شقاوة عيال والحمد لله الذي هدانا ..

تفسير منطق للفزورة بس الفرق مش ها يكون 10 جنيه بس دا الجنيه بتاعنا واقع خالص

الحلول ان شاء الله في نهاية المدة المقررة للبوست

جنّي يقول...

أختكم في الله

وكل سنة وحضرتك

المدونة مفتوحة دايما وتحت امرك ونتمنى لكي السعادة الدائمة في الدارين
والحمد لله اننا ندخل السعادة والراحة الى قلوب زوارنا الأفاضل
وكما يقولون القلوب عند بعضها فسعادتنا وراحتنا عند زيارة اخواننا واخواتنا من المدونين

جنّي يقول...

توتي

وعليكم السلام والرحمة والاكرام

شكرا لتواجدك وتعليقك

بالنسبة للحل انا لم اسال عن ما ذكرتيه فهذه المعطيات
انا اسأل اين العشرة جنيه بعد اعدة الخمسين جنيه 20 للصبي وعشرة لكل واحد من الشركاء يعني كل واحد منهم دفع تسعين جنيه فكلهم التلاتة دفعوا 270 والولد اخذ 20 المجموع 290 فاين العشرة جنيه المتبقية
حاولي تاني

جنّي يقول...

نهر الحب

اهلا بالريحانة

فكري براحتك ومنتظرك

بتنورينا دايما

جنّي يقول...

ابن حجر العسقلاني

اخيرا نورتني ياحاج عسقلاوي .. براحتك ياعم انت والباحث اتقلو براحتكم .. والباحث خلاص بقى من قاطني القاهرة الكبرى ما حدش ها يعرف يكلمه ..

يا عم هو انتو عيال .. انا بقي في يدي اصابتان من السكين في اصبع السبابة الايسر في الظفر وثلاث غرز اسفل نفس الاصبع .. طبعا من اشياء مشروعة والله ..

المهم نيجي للمسالة بصراحة طريقة المعادلات الآنية لم تحل المسالة فقد أرجعتها للمعطيات .. انا اريد الحل بعد رد عشرة جنيه لكل واحد من الثلاثة ونصيب كل منهم في السلعة مع ما أخذ الولد ..
شكرا يا باش مهندس وسلملي على الباحث

جنّي يقول...

همس

بنحاول نخرجك من فرستك وغيظتك ونموتك من الضحك

وبعدين انا كنت كارثة .. دا انا غلباااان ..

وبصراحة استاهل .. انتي معايا ولا معاه ؟

على كل شكرا ورمضان كريم

mahasen saber يقول...

يا نهار ابيض ده مخ شيطانى
بس الهزار ده صعب قوى قوى...يعنى تخيل
لو السكينه لا قدر الله دخلت شويه كمان اهه انا كل خوفى وانا بقرأ فى البوست
انى الاقى حاجه زى كده
الحمدلله ربنا خيب توقعاتى..
بوست رائع بس الفوازير انا عقلى ملوش فيها ومبعرفش فيها ادى اجابه واحده
بس الصوره التانيه مش عارفه حاسه ان ليها علاق بالكسلام الحيوان الطئ ده بس مش الندا..
قصدى على حيوان تانى..

mahasen saber يقول...

اما انا بقه فاسفهعلى التاخير و
بقدم اعتذار بطول بوستات المدونه انا اسفه جدا جدا
بس حضرتك من حوالى كام بوست عدوا اتاخرت فى تنزيل بوست جديد وانا فضلت متابعاك وبعدين الدنيا بقه فاسفه اسفه اسفه جدا على التأخير
وارجو انك متزعلش..
ورمضان كريم ...وعيد مبارك ان شاء الله

الفقير الى الله يقول...

السلام عليكم ورحمة الله وبركاته
هههههههههههههههههه
ميه ميه بس انتم لحد دلوقتي لسه مش عيال
بطيخه ايه احنا في شبرا بنهزر بالمطوه وفي البطن على طول من غير بطيخ

بس بجد فكره حلوه والاحلى انك تجيب نوع من انواع الحبر بيروح بعد مده من نفسه
هتلاقيه في المحلات اللي في المولات طريقته سهله بعد الطعن هيبقع هو هيكون في كيس تحت التشرت هيبقع التشرت بلون احمر
جامد وبعد 3 دقايق هيختفي اللون الاحمر خالص وده ليه فوايد اهم فايده
انه ماما مش هتضربنا لما تشوف التشرت؟!!

لا بس الطبيعه احسن
المهم الفزوره سهله جدا لان 250 قسمة 3
هتكون 83.33 وال 10 اللي رجعت لكل واحد هيكون كل واحد دفع 93.33 اضربهم في 3 هيكون 280 زود عليهم 20 بتاعة التباع هيكون 300

ده نحلها علشان ذكاء لاكن الصوره اظن انهم خنفستين ماشين على حاجه!!!؟؟؟

تحياتي

ابن حـجـر الـعـسـقـلانـى يقول...

طب و الله يا جنى أنا نفسى أقابلك و نقعد احنا التلاتة انا و انت و الباحث

انت مشى بتيجى القاهرة و لا إيه ؟؟

عاشقة القمر يقول...

ههههههههههههههههه والله ضحكتني انت طالعت مصيبه هههههههههههههههههه بجد جميل رائعه وتحفه هو جنيكم بقي 2ولا3

جنّي يقول...

محاسن صابر

اشكر حضرتك على المرور والتعليق

الحلول ها تكون اخر البوست ان شاء الله

بالطبع نحن نفتقد حضرتك وطبعا تشرفي في اي وقت

تحيتي

جنّي يقول...

الفقير الى الله

وعليكم السلام ورحمة الله وبركاته

اهلا بيك نورت المدونة

انتم في شبرا ش ش ش احنا مش قدكم

محلات ايه يا عم الحاج القصة دي تمت قبل ما تتعرف الحاجات دي الا في السينما فقط

اشكر محاولاتك في حل الفوازير

والحلول في نهاية البوست ان شاء الله

تحيتي

جنّي يقول...

ابن حجر العسقلاني

والله القلوب عند بعضها .. بس انت عارف اجازة واولاد واستعداد للسفر ثم رمضان فالاوقات قصيرة جدا

لكن انا طبعا يشرفني جدا لقاء حضرتك والباحث ..

وقريبا ان شاء الله نلتقي على خير

جزاكم الله خيرا اخي الكريم

جنّي يقول...

عاشقة القمر

اهلا اخت سومية

والله انا مش مصيبة ولا حاجة دي كانت شقاوة عيال

شكرا لاطرائك والجني واحد فقط

على فكرة ياترى جمع زول ايه ؟
اصدقائي السودانيين لم يجاوبوني ..
أليس لها جمع ؟

norahaty يقول...

السلام عليكم ورحمة الله وبركاته
دى عملهتعملوها فى بعضيكم
كويس انها رسيت على
طاخ طوخ طيخ
انا نفسى اتخضيت
لما قلت ان الواد وقع
وقلت ساعتها يارب استر!!
اما الفزورة فممكن بعد الفطار ؟؟
بوست جميل فكرنى بشقاوة زمان وحلاوتها

جنّي يقول...

نورا

شكرا لزيارتك والله كانت ايام جميلة وشقاةو عيال بقى

وتشرفي في اي وقت

وفي انتظار حلولك والجايزة في انتظارك

شق القمر يقول...

بص بقى ان كان عالصورة
فاما انها ريش نعام
اما انها خنفستين
هههههههههههههههه


انا هنا ببلغك انى نجحححححححححححححت

النتيجة ظهرت وعايزه حلاوة نجاح كبيرة على المدونة عندى :)

وكل سنة وحضرتك طيب
ويسعدنا الله باواخر ايام رمضان المباركات آميييييييين

جنّي يقول...

شق القمر

اهلا بيكي والف الف مبارك يادكتورة

لو اعرف ميلك لارسلت لكي باقة من اجمل الزهور ..

والله الخبر اثلج صدري فالف مبارك

شق القمر يقول...

الله
يسعدنى سعادتكم الحمد لله
وصلتنى الباقة وأحتفظ بها :)
تسلم اختياراتك
وسلمت أستاذنا
مدرب الشقاوة جنّى :))

أحمــــد يقول...

بسم الله الرحمن الرحيم
قصة ظريفة جدا وجميلة
ولكنها خطر جدا

جنّي يقول...

شق القمر

مرة تانية مبارك يادكتورة رنا

جنّي يقول...

أحمد

اهلا ابو حميد

شكرا على مرورك وتعليقك

صبرني يارب يقول...

اولا دي مش شقاوة عيال

المخطط بتاعهم ده انا هابلغ عنه ده حضرتك عندك ميول ارهابيه من الاول بقى
ههههههههههههههههههه

وبالنسبه للفزوره الاولى فالى اندفع 280 مش 270

والفزوره التانيه مش عارفه بس شكلها عنين حيوان مثلا

هو الجايزه ايه ؟

الحشرى - سيد يونس يقول...

ما شاء الله عليك يا جنى

كل عام وأنتم بخير أخوى الحبيب

خديجة محسن "لؤلؤة الاسلام" يقول...

جنى شكرا لك على الزيارة اما المسئلة الحسابية فانا مش عاهحلها لانى لسه طالعة من درس رياضة حالا
ههههههه
و الصورة على حسب معلوماتى ان هيه بومة

تقبل الله مناو منكم في رمضان

و تحياتى
رمضان
كريم

engy يقول...

ايه اللعب ده
ده انا افتكرت ان الولد حيحصله حاجه بجد بس بجد رائع
كل سنه وانت طيب

rovy يقول...

السلام عليكم
واضح انك كنت شقى جدا يا جنى ..
كل سنه وانت طيب .. اللهم بلغنا و اياكم ليلة القدر .
اللهم تقبل دعائنا و صيامنا و قيامنا و اجعلنا من عتقائك فى هذا الشهر الكريم ..

اطيب امنياتى و خالص تحياتى

ايمان مجدى يقول...

اول زيارة للمدونة
المقلب حلو بس بصراحة يرعب يعنى انا لو كنت موجودة كنت مت بدل الولد صاحب البطيخة
بالنسبة لحل الفزورة اناعارفاه بس للاسف مش فاكراه هفتكره وارجع تانى ان شاء الله
مدونة جميلة وبالتوفيق دايما

نور الاسلام يقول...

لسلام عليكم

ههههههههههههه


دا انت فعلا جني

بارك الله لك وبارك فيك

وتقبل الله منا ومنكم

بطل شقاوة بقي

مع تمنياتي بالتوفيق الدائم

السلام عليكم

جنّي يقول...

صبرني يارب

والله كنا عيال .. دا بلاغ على الهوا لحبايبنا الحلويين ..

الحل طيب جبتي منين 280 فنطيها كده ( وضحيها )

المهم كويس المحاولة انتظري الاجابات

شكرا لمرورك

جنّي يقول...

الحشري سيد يونس

اهلا بيك وشكرا على زيارتك

وكل عام وانتم بالصحة والعافية

جنّي يقول...

خديجة محسن

نورتي المدونة

حاولي وخليكي شاطرة

وانتظري الحلول

سلام

جنّي يقول...

انجي

اهلا بيكي نورتي المدونة

عيال بقى ها نعمل ايه

وكل سنة وانتي بصحة وعافية

جنّي يقول...

روفي

اهلا وسهلا المدونة نورت

كنا ... الحمد لله الذي هدانا

شكرا على زيارتك وتقبل الله دعواتك وجعل الله لنا منها نصيب

شكرا

جنّي يقول...

ايمان مجدي

شكرا على زيارتك ومرورك شرفني

شكرا على تعليقك واطرائك على المدونة

وبالنسبة للحل لسة فيه فرصة في الوقت

المدونة تشرف بيكي في اي وقت

سلام

جنّي يقول...

نور الاسلام

وعليكم السلام ورحمة الله وبركاته

الشقاوة كانت زمان ايام ما كنا عيال

الحمد لله الذي هدانا

شكرا على مرورك وتعليقك

سلام

ذو النون المصري يقول...

واضح انك كنت جني فعلا
بالنسبه للفزوره الرياضيه فانا مش فاضي للتفكير فيها الان لان الفطار خلاص بيتحضر و القران قرب يخلص
لكن الصوره فهي لجناحي فراشه

الحكمة ضالة المؤمن يقول...

كل عام وانت بخير
حل اللغز
300 المدفوع الاول
وبعد الخصم
صار 250
دفع لهم 10
صار كل واحد دافع 90 المجموع 270
وقيمة الحاجة 250
يعني ىالسؤال وين راحت ال20
الجوااب خذها الواد
مش وين راحت العشرة
للصورة معليش مش شاطر اسمحلي خيرها بغيرها

بنت سيناء.. يقول...

صحيح انا مع اكون او لا اكون نفس الكلام
انت على اخر رمضان هتضحك علينا؟
طيب كل سنة وانت طيب

الباحث عن الحقيقة يقول...

يا عم السلعة تمنها 250 جنية
وهم اخدو تلاتين يعنى 280 جنية
+ العشرين بتاعة الولد يبقى 300

وحشتنا يا عم الحاج
انت ناوي تنزل مصر امتى
عازمك في الحسين على قهوة عرفنا عليها الواد عسقول
ابقى فكرنا نجيبه معانا علشان يدفع الحساب
كل سنة وانت طيب وشكرا على دعواتكم وسؤالك عني
ربنا يباركلك يا رب ويحفظك ويديك على اد نيتك ويحبب فيك خلقه
وشكلى كده مش هتنيل اتجوز لغاية ما تنزل مصر وابقى وريني انت هتطلعلي نصي الحلو ازاي ..يظهر كده ملناش في الحلو
ربنا يستر

ahmed_k يقول...

هههههههههههههههه
يخرب عقلكم ده جنان مش شقاوه
طيب لو السكينه غلطت في الطريق ودخلت فعلا في بطنه كان أيه الحل
الحمد لله ربنا سترها
ومعلش يا صاحبي الدماغ مش مستحمله فوازير كفايه علينا فوازير رمضان هههههه

تحياتي يا سعيد

على عبدالله يقول...

تقبل الله منك
الصيام والقيام
والكوع والسجود
وتلاوة القران وخالص الاعمال

وجعلنا واياك والمسلمين اجمعين من عتقائه من النار

وكل عام وانتم بالف خير

مجداوية يقول...

السلام عليكم
كل عام وأنت بألف خير وعيد سعيد ان شاء الله

بس دى منافسة جامدة أوى مع شريهان فوازير جنى تكسب طبعا

كل عام وأنت بخير أخى الكريم

(احمد سكر ) يقول...

السلام عليكم

كل سنه وحضرتك طيب

ربنا يتقبل منكم صالح الاعمال

احمد

المستنصر بالله يقول...

كل عام وحضرتكم بخير
عيدكم مبارك

تحياتى لحضرتك

Gannah يقول...

أستاذ سيد
هو انت نشرت بوستات فى رمضان
والله كنت فاكراك أجازة
البوست فظيع ...هى دى الأطفال مش ممكن
اما الفوازير فماليش فيها بصراحة فحتى محاولتش
كل سنة وانت طيب
عيد سعيد
أول مرة على فكرة أعرف ان حضرتك فى جدة
ما شاء الله قريبيين من مكة
ربنا يديم علينا نعمة زيارة بيته الحرام ويرزقها كل مسلم
تحياتى

جنّي يقول...

ذو النون المصري

اهلا وسهلا شرفتنا

والله دنا انا غلبااااان

بالهنا والشفا الفطار

انتظر الحلول

جنّي يقول...

الحكمة ضالة المؤمن

وانت بكل صحة وعافية

شرفتنا وانتظر الحلول

تحيتي

جنّي يقول...

بنت سيناء

المدونة نورت

المشاركة في الحلول ممنوعة هي جايزة واحدة لشخص واحد لكن ممكن تقسموها

وانتي بصحة وعافية

انتظري الحلول

جنّي يقول...

الباحث

نورت با حاج احمد
فينك من زمان يا عمنا

انا في مصر ومسافر بعد العيد

يا عم ما تستعجلش مسيرك تتنيل قصدي تتجوز

بنات الناس كتير بس انت تؤمر
سلام

جنّي يقول...

أحمد ك

نورت يانجم

ما تخافش كنا عاملين حسابنا

الفوازير سهلة بس حاول او انتظر لحلول

سلام

جنّي يقول...

علي عبد الله

جزاكم الله خيرا على دعوات

اللهم اجعل لنا منها نصيب

شكرا

جنّي يقول...

مجداوية

اهلا باختنا الكريمة

كل عام وانتم بخير

ما شاء الله قارنتينا بشريهان

ايش جاب لجاب ربنا يعافينا

جزاكي الله خيرا

وعيدكم مبارك وتقبل الله منا ومنكم

جنّي يقول...

احمد سكر

اهلا وسهلا المدونة نورت

وكل عام وانتم بكل صحة وعافية


وتقبل الله منا ومنكم

جنّي يقول...

المستنصر بالله

وكل عام وانتم بخير وصحة وعافية

تقبل الله منا ومنكم

جنّي يقول...

جنة

اهلا بحضرتك

شكرا لحضرتك المرور والتعليق
بس انا عارف انك في المدينة بجوار رسول الله صلى الله عليه وسلم

عيد سعيد وعساكم من عواده

ومن العايدين ومن الفايزين

تحيتي

جنّي يقول...
أزال المؤلف هذا التعليق.
Jana يقول...

كل سنة وحضرتك طيب وبخير ده أولا
ثانيا حضرتك معانا ولا مع السعودية !!؟
اهم حاجة ان اغنية يا ليلة العيد لقيتها هنا ..لانى عيدى مبيكملش من غيرها .. وبتفكرنى بتركيب الستائر يوم الوقفة ورش السكر على الكعك
وبما انى العيد ده منزلتش الستائر عشان اعلقها اصلا ومعملتش كعك ميبقاش كمان مافيش "يا ليلة العيد"!!!
الله يكرمك يارب ويتقبل منك ويعيده عليك دايما احلى
بالنسبة لقصة الطفولة المعفرتة ..اكتشفت ان جنى هو اللى بيتعلم منك مش العكس ..بس حضرتك طيب معانا اكيد عشان استنفذت كل العفرتة زمان
الفوازير بقى
فى 20 حل احنا مش حنغلب ..وطبعا كلهم غلط ..لكن يكفى شرف المحاولة
احنا ممكن نقول ان ال 270 ده المبلغ المدفوع فقط ولا يجوز اننا نضيفله ال20 جنيه اللى أخدها صبى المتجر لأنه فى الاساس اخدها من ال 270
او حل تانى خالص
ان الاولاد دفعوا 300 رجعت خمسين ..اتوزعت 40 جنيه على الاولاد والصبى ..فضلت العشرة اللى بتسأل عليها ..دى اخدها الصبى هى كمان
حل يضحك اصلا ..لكنى ماتعودتش اسيب ورقة الاجابة فاضية ..واكيد فى درجة على الخط الحلو والاملاء الصحيح
اخر حل بقى
ان الولد الوسطانى فى التلاتة يبقى هو نفسه صاحب المتجر ..والصبى يبقى ابن اخت جارة صاحب المتجر وقسم الفلوس معاها وهى اللى طلعت بالعشرة جنيه
اخر فزورة بقى عشان تعبت
ده لازم يكون ديل طاووس ان شاء الله
طبعا الاجابات كلها غلط .. بس انا اخدت الهدية كده كده باغنية يا ليلة العيد واللى حأسمعها بكرة ان شاء الله
:)))
كل سنة وحضرتك بألف خير

نهر الحب يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

نهر الحب يقول...

حلو النقاش اللى بينك وبين ابن حجر
ههههههههه
انا منتظرة الحل والجايزة لى
:)

جنى انت هتشتغل حلونى اقصد هتخطب للحاج باحث ؟؟؟

كيارا يقول...

كوووووووول سنه وانت طييييييب

عييييييد سعييييييييييييد

صبرني يارب يقول...

جيت اقولك كل سنه وحضرتك طيب وحلوه اوي الاغنيه

جنّي يقول...

جنى

اهلا بحضرتك وكل عام وانتم بخير

وانا في مصر الان ومسافر بعد العيد ان شاء الله

فعلا اغنية جميلة والكل كبير وصغير بيحبها

ومن رأيي ان كل اغاني العيد الاخرى لم تدانيها

الحلول الكثبرة وباكثر من طريقة ممتازة ويكفيكي شرف المحاولة وليس الهرب من الحل والجايزة كعك بسكر وبسكوت للمحاولة الممتازة

انتظري الحلول في نهاية بوست العيد القادم


شكرا وكل عام وانتم بالف خير وصحة وعافية

جنّي يقول...

نهر الحب

اهلا بالريحانة

جزاكي الله خيرا على هذه التهنئة الرقيقة

وكل عام وانتي بالف صحة وعافية

وكمان كعك بسكر وبسكوت هدية لنهر الحب حتى ولم تقومي بالحل

مين قال اني ها اخطب للباحث .. دا انا بشجعه قبل المترو ما يفوته ( اصله بقى من سكان القاهرة الكبرى )

ولو كنت بعمل كدا يا بخت من وفق راسين بالحلال

اشكرك وكل عيد وانتي طيبة وسعيدة

جنّي يقول...

كبارا

وكووووول سنة وانتي طيبة وبصحة وعافية

وعيد سعيد وعساكم من عواده

جنّي يقول...

صبرني يارب

وكل سنة وحضرتك طيبة وبصحة وعافية

وعيد سعيد عليكم

وعساكم من عواده

بنوتة مصرية يقول...

بصراحة هزاركم رخم جدا تخيل لو كان السكينة جت فية فعلا
عموما كل سنة وانت طيب