الجمعة، أبريل 30، 2010

حمير .. حمير ...

شفت ياسيدى أحدث نكته قالها رئيس خدمة بيطرية ..
لحم الجحش دايما صحي ،لأ وكمان حلوة ومش ضارة ..
وإن الشعب المصري خصوصا من مصلحته أكل جحوش ..
يالا بسرعة شوف كام كيلو قبل مايغلى وما تلاقيهوش ..
يالا شفلك جحش صغير لحمه بتلو يا دوبك غلوة ..
مش ها تبرطع ولا ها تنهق أي والله كلام معقول ..
حيث الجحش المصري عموما يجعل من بني ادم غول ..
تاكل فخده من غير ديل والدكتور بيطري مسؤول ..
يديك طاقة وقوة عجيبة تسمن جدا تبقى مهول ..
ثم أضاف الدكتور بيطري لحم العجل سم أكيد ..
بيزود أوجاع المعدة ويعود على طولة الايد ..
واللي بياكلوا لحم العجل حيخشوا جهنم تأبيد ..
يا دكتور بيطري يا مزقلط يا مصدر يا غير مسؤول ..
حيث ان انتو عقول العالم والعالم محتاج لعقول ..
ما رأى جنابك وجنابهم فيه واحد مجنون بيقول ..
سيبونا نموت من لحم العجل وانتو تعيشوا وتاكلوا جحوش ..
ما رأيك يا كابتن بيطري مش بالذمة كلام معقول ..
( على وزن قصيدة الفول واللحمة لعم أحمد فؤاد نجم )
تم نشر هذا البوست منذ عامان تقريبا وكان يوم الأحد 13 أبريل 2008 .. وطبعا كان بسبب موجة ذبح حمير وخروج مسؤول حكومي يؤكد أن لحم الحمير صحي .. وبنفس المنطق خرج علينا رئيس لجنة الصحة بالمجلس المحلي لمحافظة الإسكندرية ( حزب وطني طبعا ) ويؤكد عدم خطورة لحم الحمير والكلاب على صحة الإنسان ..
وأنشره اليوم لأن كثير منكم لم يقرأه باستثناء موناليزا ( مدونة أمة الله ) ، شيماء سمير ( مدونة احتمال ) ، احمد الباحث عن الحقيقة ( يا ترى أنت فين يا أحمد – مدونة الصحيفة الكاشفة ومدونة استراحة الكاشفة ) ، عائشة ( مصر اللي ما شفتهاش – أين أنتِ ؟ ) – سلوى ( مدونات : تأملات قلب - طوق الحرية – وأين أنتِ؟ ) – إمام الجيل – إسراء حامد ( مدونة أحيانا وأحيانا – أين أنتِ ؟ ) .. وقررت إعادة نشرها .. وشر البلية ما يضحك ..

هناك 28 تعليقًا:

شذا الروح يقول...

صباح الخير

صباح الجمال

ازيك يافندم

اخبار حضرتك ايه
يارب تكون بخير
ويارب اطمن عليك دومأ

شذا الروح يقول...

الله

وكمان شرفت بأول تعليق

ايه الحظ الجميل ده كله

شذا الروح يقول...

هههههههههههه

يالهووووووووووووووى

ده احنا ياما هنشوف

يعنى دى اخرت الشعب الغلبان المطحون والمغلوب على امره

ربنا ينتقم منهم اشد الانتقام
للدرجه دى انا رخاص بنظرهم
ربنا منقم جبار وقادر على كل شىء

بجد البوست حرك جوايا كتير وكتير وغلى الدم بعروقى

ماما أمولة يقول...

حرمنا ناكل لحمة خالص والحمد لله لا حمير ولا كلاب منهم لله

حسبنا الله ونعم الوكيل

شكرا لك يا جني

جزاك الله كل الخير

كلمات من نور يقول...

يا حلاوة يا ولاد ......حسبي الله ونعم الوكيل ........حنبقى زي الصينيين ناكل صراصير وفئران وووو؟؟؟؟؟

والفراخ كلها هرمونات

والسمك كله مجاري

والخضار والفاكهة كلهم كيماويات ووو


والميه ........كفايه كفايه

مجداوية يقول...

السلام عليكم

:)

يعني الأعراض اللي الواحد بيعاني منها دي من أكل الجحوش
:)

وكل يابن آدم لحم الجحوش غير لحمه لن تحوش

بص يا أخي الكريم الجوع كافر يعني الجحش ده يعتبر ثروة وقت المجاعات

وهم بيخلونا نخشوشن عشان لما تيجي المجاعة منقرفش ناكل جحش ولا كلب ولا حتة عرسة ده لو لقيناهم وقتها

من أجلك أنت

شعار المرحلة
حضرتك نسيت ولا إيه



الصورة صعبة أوي
تخلي الواحد يفكر يبقى يا نباتي يا مائي على رأى فؤاد المهندس

مع اصرارى يقول...

حيث ان انتو عجول العالم والدنيا مش ناقصة عجول

روعة تسلم إيدك
تحياتى

Dr-Ibrahim يقول...

حسبنا الله ونعم الوكيل..

ستيتة حسب الله الحمش يقول...

وكأن لم يمر عامين
وكأن لم يمر ثلاثين عاما
وكأنهم كلهم سواء
ساعة المصالح الدنيوية
تعمى العيون
وتوجد المبررات
وينتفي الضمير
ويصبح البشر
صفر كبير

موناليزا يقول...

أقولك على حاجة
مرة أخويا شاف جرنال عندنا وقعد يقرأه ومندمج جدا وبشاركنى فى اى خبر بيقرأه ونعلق عليه مع بعض
وفين وفين نكتشف ان الجورنال ده قديم ومش بتاع السنة دى أصلا:)

بس سبحان الله نفس الاخبار الحالية

صيدلانية مسلمه يقول...

عذرا للتحليق بعيدا عن الموضوع

ندعوكم لمشاركتنا حملة إصلاح الجيل من أجل التحرير .
(حملتنا حملة أفعال مش بس كلام )

ونرجو منكم وضع لوجو الحملة فى المدونة

والتفاعل مع الحملة

ونفع الله بنا وبكم الأسلام والمسلمين
http://forelaqsa20.blogspot.com/

IBN BAHYA - إبــن بهيـــــــــــــة يقول...

حلوة التدوينة المعارضة لعمنا الفاجومي في موال الفول واللحمة .. المشكلة أن الشعب خلاص سف التراب .. وبكره يطلع واحد من جخوش الحزن الوطني يقولك التراب مليان معادن .. يا بختكم يا هناكم بالتراب..

تحياتي

حنين القلب يقول...

السلام عليكم
والله بجد هم يبكى وهم يضحك
يعنى ايه لحم الكلاب والحمير مش خطر على الانسان
طيب هما يرضوا ياكلوها ولا احنا بس اللى بقت صحتنا رخيصه ومش ليها تمن

الف شكر على مرورك عندى وعارفه والله انى مقصرة معاك بس غصب عنى عارف ظروف النونو الجديد
تقبل مرورى

سبهللة يقول...

ما تعرفيش يا اوختشى الكيلو بكام؟؟

BNT ELISLAM يقول...

حسبى الله ونعم الوكيل


ياعنى هى جات على اللحمه



بس بجد مدونه هايله

اتمنى لو تشرفينى


http://www.h-fawzy.blogspot.com/

SHAPE YOUR LIFE (ABOALI) يقول...

ايه يا جنى
ربنا مايجعلك من مقطعين الارزاق
مالوا يا جدع لحم الجش
دايما كده حنبلى
خلى الشعب يكركر كده ويصدر اصوات ناغمية بتطنطن الودان

ماكنتش فكرك كده يا جنى
الحقد ملاء قلبك على شعبك المستكين

مالقيش عندك جحشين كده كبار لزوم عمل الباشميل بتاع المكرونة
اصلى المدام عاوزه مخلوق حيوانى اخر
بس الجش برضوا حيوان

اعن اخوك اعانك الله

واستئذنك فى قراءة الفاتحة

امييييييييييييييييييييييييين

تقديرى

ابو يقول...

إن كان لحم البقر عــز علينا أكلــه

ولحم الضان من الغلاء مانقدرش نأكلـه

فما لنا إلا الحمــار , واهو حلو شكلـه

Tarkieb يقول...

الظاهر ان الدكتور محسن معانا من ايام جدي لحد دلوقتي زمان كان بتكلم عن البتلو دلوقتي عن الحمايري...ان بس عايز اقول ان لحم الحمير بيتاكل في اوروبا هو والخيل وفيه سلامي خيل وحمير بيتباع برضه عادي بس المشكله في مصر اولا دينيا وطبيا ..اولا لحم الحمير حرام اكله حيث انه مش حيوان مجتر وغير مشقوق الظلفين..حيث ان دي القاعدة الشرعية رغم ان لحم الحمير حلو ومسكر عشان جليكوجين العضلات فيه عالى ...ثانيا معظم الحمير المدبوحةفي مصر تقريبا عبارة عن هيكل عزمي واكيد بها امراض خطيرة وممكن تتنقل للانسان وغالبا ما تكون حيوانات نافقة يتم نشلها من المصارف والترع... ولو تعرفي ان الدكتور محسن بتاع الجزاير برضة السنة اللي فاتتت حول المجزر في الجزاير في رمضان لدبح حمير بطريقة غير شرعية وتقريبا الجزاير كلها اكلت حمير في رمضان من غير ماكانت تعرف وعشان كدة اكيد وصلو المونديال...سيب الناس تحمر مش يمكن نوصل المونديال بقى؟

صباح الخير يقول...

بعد السلام عليكم
استاذى العزيز .. أحترت فيك ..

فانت تشجينى عندما تكتب عن الاحاسيس
وتضحكنى عندما تكتب عن طرائب الاوائل
وتبكينى عندما تنكت عن حلنا واحولنا

تفتكر فاضل أيه ما كلنهوش ..طبعا غير الاونطه

تحياتى وخالص تقديرى

الباحث عن الحقيقة يقول...

أنا هنا يا سلامه :)
السلامه عليكم يااستاذ
انت كمان وحشتنا
وشكرا انك لسه فاكرنا

زهرة(جنى)الاسلام يقول...

السلام عليكم
بوست رررررررررررررررائع
وان شاء الله الوست القادم عندى فى المدونة هيكون على نفس الموضوع نرجوا منكم المشاركة وتعليقاتكم

سمكه واحده يقول...

انا دخلت علي فكره كذا مره وكل ما اجي اعلق يحصل حاجه
اول مره جريت انادي بابا وماما عشان بس اوريهم شكل الحمار او الجحش عشان بصراحه كنت متغاظه منهم
وتاني مره جريت انادي اختي واخويا عشان اخويا كان نازل يتغدي بره وكان هتاكل لحمه اكيد
هههههههههه
كنت متغاظه منه عشان مش هيخدني معاه وكل ما اشوف شكل الحش اتخض بجد شر الباليه ما يضحك فعلا
تصدق بالله انا بقيت اخاف اكل لحمه
وكل ما اكل بره احس انها لحمه حمير بجد حتي لو من افضل مكان لان الخوف من الامكان اللي الناس بتثق فيها هيقولوا الناس وثقه ويزود بقي ويستهبلوا يقولوا الناس عمرها ما تشك
طب والله وانا في سان استفانو وبناكل من هرديز مره والكاتشب ببص في الكاتشب لقيته من 2005 ومنتهي الصلاحيه تخيل انت واحنا شعب بنسفح ولا بيهمنا واكل ملوش طعم ولا حاجه
لو في اي بلد تانيه ولا الواحد مش جبان كان وداهم في دهيه بس جبننا بقي اللي بيسكتنا
ربنا يستر علينا والله يا استاذ جني مش عارفين هنلاقيها من وجع البطن ولا وجع النظر ولا الودان
بنسمع كلام في الشارع من اقذر ما يكون
ونشوف بلاوي في الفزيون من اسفل ما يكون
وبلعبكه بطننا باكل من اكره ما يكون
ابتلاء والحمد الله وصابرين
ربنا يرحمنا بجد

تحياتي

متهوره بٌلطف يقول...

ربنا يشفي من حكى انو اكل لحم الجحش صحي لانو اكيد هو مريض نفسي

< جني معذرة ع غيابي عن عالمك الأكثر من رائع , وتحيا القرارات الغبيه والهبله اللي بتموتنا ضحك من شر بلوتها ( وشر البلية مايضحك ياسعادة البييه )

همس الاحباب يقول...

ههههههههه
ولا تفرق معانا الاسماء
لحم جحش لحم بقرة كله لحوم
يعنى محلات الكباب والكفتة يشتغلوا زى يا عم
وبعدين لازمن المسئول يقول انه صحى
ما هو المطلوب اننا نبقى حمير ونهق فقط لاغير
حسبى الله ونعم الوكيل
تحياتى لحضرتك

akeed يقول...

السلام عليكم


فعلا ده اللى نقص و ما ادرانا اننا لا نأكل لحم حمير منذ زمن طويل حسبنا الله ونعم الوكيل

فاروق بن النيل يقول...

جني ...
اللحمة موش مهم والله كرهتها ومقاطعها منذ شهرين وسأستمر حتى عام كامل
farouksam2.blogspot.com
عندى موضوع حقيقى حدث لى مع الجن بعنوان" خروج الجن من الجسد "
وشكرا لك

shaimaa samir يقول...

اتمنى ان تكون بمصر لتشرفنى الحضور
وانا ه هنا
دوما
:)

غير معرف يقول...

http://www.cafb29b24.org/docs/buyativan/#drug addiction to ativan symptoms - ativan high bluelight