الخميس، مايو 01، 2008

آه آه ياسناني

عمري ما أحببت طبيب الأسنان .. ولكن اللي يخاف من العفريت يطلعله .. فقد أصيب أحد أضراسي الطواحن العليا اليسارية بالتهاب شديد .. مما تسبب في تورم وجهي .. فكان حتما ولابد من الذهاب لطبيب الأسنان .. مرغم أخاك لا بطل .. وفي عيادة الأسنان وقبل أن يراك الطبيب أو تراه تحس بالألم المبرح وخاصة وأنت ترى هذه الصور من المرضى المنتظرين .. أبكي على ألمي أم أضحك مما أراه .. فهذه السيدة التي تشلشل ( يعني أيه ؟؟ مش عارف !! ) لكنها تمسك بطرف طرحتها السوداء بيديها تضمهما وتشد الطرحة ثم تضمهما وتشد الطرحة مرات عديدة وبسرعه وتخاطب من بجوارها من تحت ضرسها : عاديكي ياأختي وابور زلط بيطحن في شناني .. آآآآآآآآه آآآآآآآآه .. قلت لنفسي : وبعدين بقى أنا ها أروح أحسن .. ما ينفعش أنت لازم تتعالج .. وهذا الرجل مرة يضع يده على صدغه ومرة يضع يداه على رأسه من أعلى ضاربا عليها آه آه آه .. وهذه سيدة تربط رأسها بتربيعة ( منديل بأويه ) وتربطه من تحت ذقنها وياولداه لاحركة ولا نفس .. ووجدت رجل آخرتعلو وجه ابتسامة لا بيهش ولا بينش قلت أجلس بجواره .. وجلست وألقيت عليه السلام فلم يرد بعد برهة عرفت أنه أخرس من خلال تعامله مع الممرضة .. قلت والله الخرس دول بيستحملوا .. ولكن فجأة وجدته يخاطب نفسه بلغة الإشارة .. لا حول ولا قوة إلا بالله .. انتظرت وجاء دوري .. قمت وضربات قلبي تتابع متسارعة وتثاقلت خطواتي .. ألف سلامة أجلس .. حاضر .. بتشتكي من أيه ؟ وبعدين ها نبدا يعني أنا جتلك ليه ؟ افتح بقك .. حاضر .. ووضعت شئ في فمي .. ووجدتني أتزحلق عل الكرسي إلى أسفل .. رايح فين .. هاأبوس رجلك والنبي بّراحة .. ضاحكة ما تخافش .. ووضعت في فمي شئ آخر يشبه المرآة الصغيرة .. ثم بقطعة معدنية أخذت تضرب على أضراسي ضرس ضرس قائلة لما تحس بألم قولي .. وأقوللها أزاي وأنا فاتح فمي على آخره وبداخله قطعة معدنية ؟؟ وهززت رأسي بالإجاب ..

ولم تكتفي فأدخلت أصبعها في فمي تتحسس مكان الألم ويا ليتها ما فعلت .. من شدة الألم وبحركة رد فعل انعكاسي أغلقت فكي وسمعت صرخة .. يانهار اسوح .. من الدكتورة طبعا !! وقالت صارخة في وجهي حرام عليييييك .. أسف غصب عني الألم كان شديد جدا .. وارتسمت على وجهها تكشيرة عريضة .. وقالت بغيظ : إنت محتاج خلع أو حشو وتمويت عصب بعد ما نعالج الالتهاب .. خلع .. خلع مين والله أبدا.. اخلع حتة مني ما تتعوضش ..طب وناوية تحشيه أيه ؟؟ أنا ما بحبش السبانخ ممكن حاجة حلوة .. وبدأت تزيل التكشيرة من على وجهها .. ها أكتب لك مضاد حيوي ومضمضة وأشوفك يوم الاثنين .. ياريت تكتري المضمضة علشان بحبها على الشاي .. يا نهار أسود أنت بتشرب المضمضة .. نظرت لها وضحكت .. وأنا خارج سمعتها بتقول وهي تنظر لإصبعها وبإبتسامة .. قطيعة ما حدش بياكلها بالساهل !!!!

هناك 46 تعليقًا:

انا مش معاهم يقول...

ايه ياعم المقال الجامد ده
واهههههههه يسناني

غير معرف يقول...

شفاك الله وعافاك
وطبعا الم الاسنان ده اسوء شيء في الدنيا
انا بكره الدكاتره جميعا -رغم اني منهم للاسف- وبكره والاسنان خاصه

الف سلامه علي حضرتك
وياريت تهتم بجد بموضوع التهاب الاسنان ده لانه احيانا بيقلب بموضوع كبير في الجيوب الانفيه ساعتها هتسيب دكتوره الاسنان وتجيلي
:D
والبوست الي هتتكبه بعد زياره الطبيب البشري اكيد دمه مش هيكون خفيف زي ده ...

شفاك الله وعافاك ...ودمت في صحه وعافيه بيعدا عن كل سقم

shaimaa samir يقول...

هههههههههههههههههههههههههههههه
ههههههههههههههههههههههه
الصور رهيييييييييييييييبة
وطريقةالسرد رهييبة
شفاكمالله وعفاكم
اناكمان مش بحب اروح خالص
ودرسى مكسور بقالو اكتر من سنه
وقالولى هيلتهب
ولا الهوا خليه مع اخواته
ربنايسترها علينا
وقال انا فى الثانوية العامةااقولهم ادخل صيدلة اوطب اسنان
يعععععععععععع

Unknown يقول...

سلامتك

وجعت لى سنانى حرام عليك
ولا الصور جبتها منين

عذبنى بوست الاسنان داا
دا انا طبيعى بترعب من دكاترتهم
تجيبهم انت لعندى


:(

Unknown يقول...

:)
:)
:)

شفاكم الله عافاكم

بجد الا وجع السنان ده

صور تحفه...واسلوب عرض رائع

جزاكم الله خيرا

تحياتى

موناليزا يقول...

تعرف انها دكتورة طيبةجدا انا اعرف دكتور كنت رايحاله اول مرةولسه ماشفتوش ولا تعاملت معاه وماسمعتش صوت المرضى بس سمعت صوته وهو بيشخط فى المرضى وصوته جايب اخر العيادة تخيل انت بقى لو كنت عملت معاه الحركة دى كان عمل معاك ايه؟ههههههه

جنّي يقول...

أنا مش معاهم
أهلا بيك نورت
ولا جامد ولا حاج دا بس من زوقك ..
وسنانك وجعتك على الريحة ولا أيه ؟
شرفني مرورك ..
تحياتي

جنّي يقول...

قلمي
نورت يا دكتور
وجزاكم الله خيرا على دعائك لي بظهر الغيب .. أنا مهتم والله ومواظب على المضاد الحيوي وربنا ما يجيب شر ..
شرفت جدا بمرورك ودمت بصحة وعافية ..
تحياتي

جنّي يقول...

الشيماء نورت
وجزيت خيرا على دعائك ..
والله دعواتكم وكلماتكم الرائعة خففت عني آلامي ..
لك كل الشكر والتقدير
تحياتي

جنّي يقول...

الريحانة
الله يسلمك من كل شر
وسلامة سنانك .. الصور جابهالي جنّي من النت طبعا .. أنا والله زيك بالضبط أسناني بتوجعني على الريحة بمجرد رؤية أحد يشكو من أسنانه أو يتألم منها بسرعة أجامله وأتعب معاه ..
نورتيني وشكرا على زيارتك ..
تحياتي

جنّي يقول...

حطم القيود
أشكرك على مرورك .. وأهلا بيك صديق عزيز .. وجزيت خيرا على دعواتك لي ..
لك خالص شكري وتحياتي

جنّي يقول...

موناليزا
شرفتيني وفين دعواتك أظنها مستجابة إن شاء الله ( نحسبك كذلك ولا نزكيكي على الله ..)
وما تخافيش على أخوكي جامد وبعرف أتعامل كويس مع الناس اللي بتشخط بالشخط المضاد .. المهم أنا سبتها وهي بتضحك ..
لك كل الشكر وحياتي

ذو النون المصري يقول...

بتشرب المضمضه
ههههههههههههههههههههه
حلوه جدا النكته دي
هههههههه

سلفى بس إخوانى يقول...

بلاش حجج ليك تاج عندى لازم تيجى تاخده
ولا اقول لدكتوره تخلعلك الطقم كله

جنّي يقول...

ذو النون
شرفتني ونورت المدونة
أضحك الله سنك
أنت صدقت زي الدكتورة ..
دعواتك لي الشفاء
ولك كل الشكر

جنّي يقول...

سلفي بس إخواني
أهلا بيك صديقي .. إن شاء الله أزورك وأشوف التاج بس خلينا بكرة إن شاء الله
لك كل الشكر

إخوانى حتى النخاع يقول...

هههههههههههههههههههههههههههههههه

إيه يا عم الحاجات الجميلة دى ؟؟؟؟


طب صبعها أتقطع ولا عملت فيه إيه ؟؟

انتا المفروض كنت تخلص عليها

ههههههههه

تششكر يا باشا للبوست الجميل دا

أخووك

جنّي يقول...

إخواني حتى النخاع
أهلا بيك صديق جديد وشكرا على مرورك وخفة دمك وذوقك ..
تحياتي

صريح أوي يقول...

السلام عليكم
حمدلله عالسلامة الأول
ثانيا ده ينفع
الدكتورة كدة يعني ..
عالعموم تستاهل .. ايه اللي شغلها
في السنان
بوركت اخي الكريم لعل موقفك يخفف عنا ما نحن فيه من ألم
جزاكم الله خيرا

جنّي يقول...

صريح قوي

نورت وأهلا بيك صديق جديد

الله يسلمك وجزيت خيرا ..

ودايما صديق زائر لنا ..

شرفني مرورك

سلوى يقول...

سنان ودكتور سنان يا سيدي

‘لا دكتور السنان

له رهبه غريبه

والجو العام بقى

زي ما وصفت بالضبط
اللي ماسك دماغه
واللي رابط فكوكه ( حلو فكوكه دي .. جمع فك يعين )

ربنا يعافيك أخي
ومش تروح تاني

جنّي يقول...

سلوى
نورتي واهلا وسهلا
وجزاكي الله خيرا على دعائك لي ..
أنا سأذهب غدا إن شاء الله للمراجعة لعدم شفاء الإلتهاب تماما .. والله المستعان ..
شرفني مرورك

حسبي الله ونعم الوكيل يقول...

الله يكون فى العون دة وجع السنان دة فظيع انا عايشة فية

شق القمر يقول...

هههههههههههههههههههههه
أضحك الله سنك
الظاهر ان حضرتك أصلا حفيف الظل فى تعاملك
الا من الصورتين الاولى والثانية
اما الثالثة فهى تحفة :))))
الف لا بأس على ضرسك
بس متخافش
حضرتك لسه شفت حاجة ؟؟
بجد ربنا يسترها عليك
من رايى شيله وارتاح من الم الحشو وتمويت العصب وجلساته اللى بتاخد وقت كتيير وكذا مرة
اراك على خير وعافية
ومتاهملش فى اى شكوى حتى لا تزداد
امال هنشتغل ازاى يعنى
ههههههههه
الف لا بأس عليك سيدى :)

ahmed saker يقول...

السلام عليكم و رحمة الله و بركاته
شفاك الله و عفاك
بصراحة انا ما روحتش لدكتور سنان قبل كدة و اتمني ان انا ما اروحش
موضوع جميل
بورك كيبوردك
شكرا لك

۩۝۩ Dr. Flavio ۩۝۩ يقول...

لا بجد ... ما أبشع انتقامك منها هههههههه
شكلك مكنتش طايقها من الأول وانتهزتها فرصه وقلت أعذبها شويتين

ألف سلامه عليك وتسلم ايدك على البوست الجميل جدا ده

عجبني قوي طريقة صياغتك الفصيحه مع إنك كل شويه تجيب لفظ عامى تحفه .. تشلشل -يا ولداه- والأخرس اللي قال لنفسه بلغة الاشاره لا حول ولا قوة الا بالله ..ههههههههههههههههههههههههههه

بجد فظيعه

تحياتي

جنّي يقول...

حسبي الله ونعم الوكيل
شكرا جزيلا على مرورك وأهلا بيكي صديقة جديدة للمدونة ويشرفني دوام التواصل .. وشكرا على دعائك لي ..
تحياتي

جنّي يقول...

شق القمر
وأضحك الله سنك ..
وشكرا على مديحك ..
أما أني لسة ما شفتش حاجة .. فقد شفت أمس في أول جلسة تم تكسير الضرس السليم من أعلى وأجارك الله لدرجة أني شممت رائحة شياط جراء فتح وتكسير الضرس .. وموعدي السبت القادم لتمويت العصب .. وبعد الجلسة فكرت في خلعه ولكن صعبان عليا لأنه سليم ..
جزيت خيرا على دعواتك لي ..
شكرا وخالص تحياتي

جنّي يقول...

أحمد شاكر
وعليكم السلام ورحمة الله وبركاته
شكرا على مرورك وأهلا بيك صديق جديد للمدونة وأتمنى دوام التواصل ..
جزيت خيرا على دعواتك .. وإن شاء الله ربنا يعافيك ولا تحتاج لهم ..
خالص شكري وتحياتي

جنّي يقول...
أزال المؤلف هذا التعليق.
جنّي يقول...

محمود فرج أحمد
أهلا وسهل وشرفني مرورك
والله لم أنتقم ولا شئ ولكن غصب عني ولم أقصد ..
أشكرك على تعليقك الجميل وأجتهد دائما أن أتحدث وأكتب بالعربية الفصحى ولكن كما يقولون القافية تحكم ..
لك خالص شكري وتحياتي وبرجاء دوام التواصل ..

الباحث عن الحقيقة يقول...

مانت طلعت بتعرف تعض اهو يا لئيم
ههههههه
لسه امبارح شفت واحد طالع عيادة طبيب اسنان ورابط المنديل ولفه من تحت دقنة ورابطه على راسه ومعاه واحد بيقول هو دكتور الاسنان فين
قلتله انت لسه هتسأل اطلع على طول
مفيش وقت انت تشاور بس ماهو باين على وشه عايز دكتور ايه ولا يعني جايز يسأل على ميكانيكى
وهما طالعين السلم لفوق
سمعته بيقول حرام عليك مش قادر اضحك ..والناس فطسانين من الضحك
بعد ربع ساعة لقيته نازل وخده وارم قلتله ايه انت ضحكت
رد صاحبه وقال لا ده خد حقنه في صدغه
وهو بيتأوه ويقول : امال لو كنت خلعت كان حصل ايه
ههههههههه
يا عضاض ..هههه
علشان تحرم تاكل جلاس وتصاحب واد اسمه عباس وتروح بيتكم بدري وتقفل بالترباس اس اس
سلام يا جن

همس يقول...

ههههههههههههههههههههه

رايح تعض الدكتوره


احمد ربنا بدل ما كانت تديك حقنت بنج

وتخلعها كلها

من غيظها

والف سلام عليك

جنّي يقول...

الباحث عن الحقيقة
شكرا ياسيدي على مرورك وتعليقك خفيف الظل .. وبعدين أيه عضتها .. دا ما حصلش .. أنا اغلقت فكي من شدة الألم بس والله ..
حفظك الله ورعاك

جنّي يقول...

همس
شكرا على المرور الكريم
الدكتورة عندها أدوات حد قالها تدخل أصبعهافي فمي وتضغط على مكان الألم ..
على فكرة حاولت الدخول لمدونتك فلم يتيح الدخول لعدم المشاركة العامة ..
شكرا

_**( قلب الأسد )**_ يقول...

ههههههههههههههه
ايه ياعم الكلام الجامد دة انا قرأت العنوان كنت عاوز اكتبلك شفاك الله وعافاك لما قرأت الكلمات مبطلتش دحك
ههههههههههههههه
شفاك الله وعافاك با باشا وعلى رئ الدكتورة محدش بياكلها بالساهل
ههههههههههههههههههههههههههههه
تقبل مرورى

كوارث يقول...

اول تجربة ليا مع دكتور اسنان
كانت في السعودية وكان صويتي جايب كل العمارات المجاورة ولله الحمد
بس بعدها انتقلت لمصر وعشت الخبرة القومية الكبري في خلع الاسنان على ايد اكبر طبيب اسنان عرفه التاريخ .. الضرس اللى يوجع .. اخلعه !

Unknown يقول...

فين البوست الجديد
انت كسلت ولا اية ؟؟

يالله بلاش كسل

جنّي يقول...

طارق عميرة صاحب الكوارث
أهلا بيك شرفت المدونة
ولك خالص شكري على تعليقك
وعافاك الله من ألم الأسنان المزعج
تحياتي

جنّي يقول...

الريحانة
نورتي
جاهز إن شاء الله .. بس كنت واخد علقة ساخنة جدا يوم الاثنين بعد أول جلسة لتكسير الضرس السليم للوصول للعصب وتمويته .. ولي جلسة يوم السبت إن شاء الله وربنا يجيب العواقب سليمة ..
شكرا ولك خالص تحياتي

حاجات جوايا يقول...

ههههههههههههه
ياااااااااربى وصفك يخوف جدا
ودكاترة الأسنان بالذات الواحد بيخاف من مجرد ذكر أسمائهم

الموقف ده حصلى بالضبط وما زلت انتظر يوم السبت القادم الموعد المرتقب لزيارة طبيب الاسنان

ربنا معاك
ومعايا

ومع كل مريض
لو كان لى عمر بعد يوم السبت هابقى اطمنك انى لسه عايشة ههههههههه

دمت بخير أخى
سالى

جنّي يقول...

سالي
أهلا بيكي صديقة جديدة للمدونة وآمل دوام التواصل ..
شكرا لتعليقك وألف سلامة وربنا معاكي يعافيكي المهم جمدي قلبك وتوكلي على الله
أما أنا فلي جلسة لعلها الأخيرة يوم الخميس للحشو وهذي اسهل جلسة بعدما شفت العذاب بعينه في جلسات تكسير الضرس السليم ثم تمويت العصب .. وفي فمي الآن حشو مؤقت كريه الطعم ..
عفانا الله وإياكي وسلامتك ..
وشكرا على مرورك
وأنا في الطريق الان لمدونتك
سلام

غير معرف يقول...

آه

غير معرف يقول...

وي وي

غير معرف يقول...

وي وي

غير معرف يقول...

وي وي