بعيدا عن السياسة والحزن والهموم التي تلاحقنا وتلاحق بلادي وبشكل مستمر من حكومة فاسدة وحزب أكثر فسادا وكأنهم استكثروا علينا أن نعيش سالمين آمنين في سربنا معافين في أجسادنا وعندنا قوت يومنا .. ( عن سلمة بن عبيد الله بن محصن الخطمي عن أبيه وكانت له صحبة قال : قال رسول الله صلى الله عليه وسلم من أصبح منكم آمنا في سربه معافى في جسده عنده قوت يومه فكأنما حيزت له الدنيا .. سنن الترمذي .. البخاري في كتاب الأدب ) .. فلا يأمن أي منا أن يكون آمنا في سربه فقد يقتل تحت أحذية بصاصين درك العادلي .. وكيف نعافى في أجسادنا والمبيدات المسرطنة تلتصق بطعامنا والماء الملوث والهواء الملوث فتت أكبادنا وأفشل كلاوينا .. ومن منا عنده قوت يومه له ولعياله بعد جباية بطرس الرخيص .. ومع كل ذلك تجد المصري دائما يتغلب على حكومته الفاسدة ونكاية في الحزب الواطي بابتسامة تعوض حرمانه.. لذا انتظروني ومعي طبق كشري ..
هناك 17 تعليقًا:
حتى طبق الكشري بقى غالي قوي يا جنى
بس انت حتاكل وانا حاقولك بالهنا على قلبك الا طبق زي داه ممكن يوديني ورا الشمس من القولون .ولو انه اكيد ممتاز للضغط الواطي بتاعي .......مرة تانيه الف هنا وشفا
ربنا يعين الحميع
ربي يعين الجميع وبيني وبينك
انا احب الكشري وخصوصآ على طريقتكم مدري ليه
وبالهنا على قلبك =P
وبأنتظآرك اكيد
السلام عليكم
يعني يوم ما نكيد الحكومة نشمتها فينا وناكل كشري !!!
هي أكلة جميلة جدا لكن مش دي اللي تحرق دمهم
مكرونة باشميل
كانيلوني
لازانيا
رز بالخلطة
كيلو كباب وكفتة
حاجة زى كده
تقوم الحكومة تتأكد إن الشعب متريش وتاخد جبايات جديدة
أقولك تعالى ومعاك طبق فاضي
بس ربنا يستر ومايخدوش ضريبة مبيعات على الطبق
:)
هاتلي واحد معاك وكتر الشطة
وألف هنا وعافية
وعندك واحد مخصوص وكتر الورد
بس الجو حر مش ينفع معاه كشرى خالص
نستكفى بواحد رز بلبن
ومنتظرين الكشرى
تحياتىh
فعلا عندك حق هل نحن امنين في سربنا ومعافين في اجسادنا وامنين في اوطاننا
اكيد لا
ربنا يخلصنا من الحزن الوطني ورئيسه المبارك
السلام عليكم
ها وطبق الكشرى ده لسه طبعا 50 قرش
ههههههههه
حسبنا الله ونعم الوكيل
هم يبكى وهم يضحك
مع انى من عاشقين الكشرى اووووووى
انتظر تدوينه الكشرى
بس ياريت تبقى كشرى مش ذى حكومتا كشرى كشرى بس حمضاااااااان بكبده كلاب
حسبنا الله ونعم الوكيل
وفقكم الله
السلام عليكم
كيفك واخبارك مفتقداك
متشكره لسؤالك عنى انا الحمد لله بخير
ربنا يعزك يارب ويبارك فيك
منتظره احلى بوست كشرى
دمت بود
طب والبنى يا عم جنى باعتبارك واصل للاوليا
وصى علينا وخليهم يكتروا الدقة والشطة
احسن حبيبك محتاج
وربنا يجعلك عامر
انا حفضل كده ماسكه بطنى لغايه ما يجينى طبق الكشرى لغايه عندى بس زودى الشطه حبتين
شكرا يا قمر
أ / سعيد
بجد اسفه جدا باعتزر لعدم معرفتى بشخصك الموقر
تمنياتى اليك بالسعاده
ولك تحياتى
جوعتنى
الكشري بقي غالي
ومبقاش في اكل للغلابه
مستنين الطبق يافندم وبالهنا والشفا
معذرة سأرد على تعليقك عندى هنا
وتستطيع مسح ردى هذا إذا أردت بعد ذلك
-------
ولكن احيانا في لحظة ضعف يغلبنا شيطاننا فنتلفظ ببعض الألفاظ فهل قولي الحزب الفاسد سباب ولعن وهل قولي الحزب الواطي سباب ولعن او قولي بطرس الرخيص سباب ولعن فهذه الكلمات كتبتها في اخر تدوينة لي .. فهل كل الالفاظ التي نصف بها شخص او مؤسسة على مطلقها تندرج تحت ما قلتي ..
وماذا عن وصف الله سبحانه وتعالى في القرآن الكريم الوليد بن المغيرة ( وَلا تُطِعْ كُلَّ حَلافٍ مَّهِينٍ{10} هَمَّازٍ مَّشَّاء بِنَمِيمٍ{11} مَنَّاعٍ لِّلْخَيْرِ مُعْتَدٍ أَثِيمٍ{12} عُتُلٍّ بَعْدَ ذَلِكَ زَنِيمٍ{13} سورة القلم
مجرد سؤال ولن اجادلك ..
-----
حينما أصف شخص بالفاسد أو بالظالم فأنا كده بنبهه لوجود الصفة دى فيه لكن لما أقوله عفواً ( واطى )فأنا كده شتمته ده غير إن المستمع ممكن جدا مايفهمش ماذا تقصد بهذه اللفظة هل أنه متدنى الأخلاق أم من بيئة فقيرة أم ...؟
وكما استشهدت بالآية الكريمة فقول هماز ونميم ومعتد وآثيم صفات سيئة فى الشخص ..الغرض منها أن نتجنب أن نوصف بها .. وكما ترى لم ينفر القارئ من هذه الكلمات أو يشعر بأى خجل ويتفوه بها عادى دون الشعور بالإحراج لو قالها ابنه الصغير مثلاً
مش عارفة أنا عارفة أعبر كويس ولا إيه بس أنا معرفتش ماردش على تعليقك رغم عدم قدرتى على الكتابة
بص الخلاصة أن أى لفظ تحب ابنك يقوله عادى جدا قدام أى حد فقوله وأنت مطمن
لأنى واثقة أن أى أب هيحافظ على منظره قدام الناس من خلال كلام أبنائه لأنهم مرآه له
والله أعلم
الأخ الفاضل/ جني
السلام عليكم ورحمة الله وبركاته
ماشاء الله على تلك التدوينات والمقالات الرائعة التي تفيض بها مدونتك القيمة
الحقيقة ماشاء الله مش عارف اقول ايه على تلك التدوينات التي وجدتها في انتظاري
وطني الاكبر طز
بلطجة
بصاصين الدرك الأعلى
والتدوينة التي نحن بصددهاانتظروني ومعي طبق كشري
اولا طبق الكشري خلى ريقي يجري بجد على طبق كشري بقالي فترة كبيرة لم اتذوقه
اما محتوى التدوينة
فكان الله في عون شعب مصر الواحد معدش يعرف ياكل ايه ومايكلش ايه لما كل حاجه بقا الواحد يخاف منها
ياأخي بنشوف في بلاد بره ولقد سافرت لبلدان كثيرة اوربية رايت كيف هناك صرامة شديدة لكل من تسول له باللعب بصحة المواطن لديهم ونحن هنا في اوطاننا نرى القائمين على رعايتها اذا كان هذا المسمى يحمل معناه وهو بالطبع مسمى أجوف، نجدهم يلقون بنا الى الهلاك دون رحمة
تحياتي
حسن أرابيسك
دة كمان فوق دة كلو مبقاش في أكل للغلابة
يعني من جميع الجهات مقفلة
تحياتي
إرسال تعليق